Tuesday 14 September 2010

ထမ်းမ ထားရသော လေများ

လည်ပတ်နေသော လောကကြီးကို ခဏရပ်ဖို့ အတွက် သီချင်းတစ်ပုဒ်ကို မိုင်ကုန်ဖွင့်လိုက်သည်။ မဆန်းသော်လည်း အံ့သြဖွယ်ကောင်းသော သံစဉ်နှင့်တေးသွားက သူ့စိတ်တို့ကို ဆွဲခေါ်သွားခဲ့သည်။ စိတ်သည် မြေကြီးပေါ်မှာ မရှိတော့။ သီချင်းသည် သူ၏ စိတ်ပင် ဖြစ်တော့သည်။

အချို့ အလုပ်များသည် အင်အားစိုက်ထုတ်ခြင်း မရှိသော်လည်း သူ့ရှေ့မှောက်သို့ ပြီးမြောက်ခြင်း၊ အောင်မြင်ခြင်းများကို အလွယ်တကူ သယ်ဆောင်လာကြသည်။ အချို့ အလုပ်များသည် မည်မျှပင် အင်အားစိုက်ထုတ်သော်ငြားလည်း လောကကြီးမှာ အရာမျှပင် မထင်။ ကွယ်ပျောက်သွားကြသည်။ သို့ပေမယ့် အချိန်ကျပြန်တော့လည်း အဲဒီ အရာမထင်သော အလုပ်များကို မလုပ်မနေ လုပ်ရပြန်သော သူ့ဘ၀ကိုသူ စိတ်နာချင်သည်။ တခါတလေတော့လည်း အရာထင်ဖို့ အတွက် အင်အားမထည့်ဘဲ ဖြစ်နေသည့်အတိုင်း မျှောထားလိုက်တာကမှ ကောင်းမည် ထင်သည်။ ဒါဆိုရင် သူ့ဘ၀က လုပ်ချင်တာကို မလုပ်ရဲလို့ လုပ်သင့်တာကို လုပ်နေရသည်ဆိုတာ တော်တော်လေး ပေါ်လွင်နေပါပြီ။ဘေးထွက် ထိုင်ကြည့်နေသည့် ပရိတ်သတ်နေရာက သူနေချင်သေးသည်။ သရုပ်ဆောင်ရတာ ပင်ပန်းလှပါသည်။

အနုပညာဟု အများက ခေါ်ကြသော ဖန်ဆင်းမှုများသည် ခံစားမှုများကို အရင်းတည်ထားသည်ဟု ဆိုကြပါသည်။ လူဆိုတာက ပန်းလေးများ လိပ်ပြာလေးများကိုသာ နှစ်သက်သည် မဟုတ်။ ကြွေကျသွားသော ပန်းများ၊ မှောင်မိုက်သော အိပ်မက်ဆိုးများ၊ ခြောက်ခြားဖွယ် မျက်နှာများကိုလည်း ၀န်မခံချင်သော်လည်း ခံစားနိုင်ကြသည် မဟုတ်လား။ သဘာဝလွန် အိပ်မက်ဆန်ခြင်း (surrealism) တို့လွှမ်းမိုးသော ပန်းချီကားများဖြစ်သည့် မန့်ခ်ရဲ့ အော်သံတို့၊ ဒါလီရဲ့ မှတ်ဉာဏ်များ၏ မြဲမြံခြင်းတို့ ဆိုရင် ဘယ်လောက် နာမည်ကြီးသလဲကွယ်။

တခါတလေမှာတော့ သူ့ကို ပျော်အောင်ထားဖို့ ဘာမှသိပ်မလိုပါဘူး။ စာကောင်းကောင်းလေး တစ်ပုဒ်၊ ပန်းချီကား ကောင်းကောင်းတစ်ကား၊ ဒါမှမဟုတ်လည်း ရုပ်ရှင်ကောင်းကောင်း တစ်ကား။ ဒီလောက်ပါပဲ။ ဒါပေမယ့် တခါတလေမှာလည်း သူ့ကို စိတ်ညစ်အောင်လုပ်ရန် ဘာမှ မလိုပါပေ။ တနေ့ဟင်းချက်ရင်း အဆင်မပြေလို့ ဟင်းအိုးတူးသွားရင်သော် လည်းကောင်း၊ လုပ်စရာတွေများလို့ မအိပ်ရတဲ့နေ့တွေမှာ သော်လည်းကောင်း၊ အိမ်မှာ ပစ္စည်းတခုခု ပျက်ရင်သော် လည်းကောင်းသူ စိတ်ညစ်နေတတ်ပြန်သည်။ သူ့စိတ်သည် တက်လွယ်ကျလွယ် သည်လား။

ဘ၀ဆိုတာ ကျောင်းမှ အိမ်စာများ ပြီးအောင်လုပ်သလို အိမ်စာတွေ ပြီးအောင်လုပ်ရုံနှင့် ဘီးဆက်လည်နေလျှင်တော့ သိပ်ကောင်းတာပေါ့။ တခါတလေမှာ အိမ်စာတွေ မပြီးတာလည်း မဟုတ်ပါဘဲနှင့် အိမ်စာတွေ ပြီးလျက်နဲ့တင် ဆက်ပြီး မလည်ပတ်နိုင်တာကိုတော့ သူစိတ်ကောက်ချင်သည်။ ဘယ်သူ့ကို စိတ်ကောက်ရမည်တော့ မသိ။ ငယ်ငယ်က အမေ့ကို စိတ်ကောက်သလို အိပ်ရာထဲ ၀င်ခွေပြီး အိပ်နေလို့ ရရင်လည်း သိပ်ကောင်းတာပေါ့။ ခုတော့ အိပ်ရာထဲမှာ ၀င်ခွေနေရုံနှင့် ပြီးသွားတာမှ မဟုတ်တာဘဲလေ။

အဲဒီလို အချိန်မျိုးတွေမှာ နားထဲကို နားကြပ်ထည့်ပြီး သီချင်းတွေ အကျယ်ကြီးဖွင့်ပြီး စိတ်ထဲမှာ ၀ုန်းဒိုင်းကြဲနေလိုက်သည်။ အဲဒီအခါမှာ သူ့ရှေ့က လောကကြီးဟာ အသံတိတ်ထားတဲ့ ရုပ်ရှင်တစ်ကားလိုပဲ အသံတိတ် လှုပ်ရှားနေတာကို ကြည့်ပြီး ကျေနပ်သွားပြန်ရော။ လူတွေအားလုံးက သူ့အကြောင်းနဲ့သူ လှုပ်ရှားနေကြတာပဲ။ လောကကြီးကို အသံတိုးလိုက်တဲ့ အခါမှာ သူက အဲဒီလောကကြီးထဲကနေ (ခေတ္တခဏတော့) လွတ်မြောက်သွားသလိုပဲ။

တကယ်တော့ သူဟာ စိတ်ပျော့တဲ့လူတစ်ယောက်တော့ မဟုတ်ပါဘူး။ သံမဏိစိတ်လို့ မဆိုသာပေမယ့် ကျွန်းသားလောက်တော့ ရှိမယ်ထင်ပါတယ်လို့ ကိုယ့်ကိုယ်ကို အားပေးမဲတင်းလိုက်သည်။ တကယ့်ဘ၀နှင့် ပုံရိပ်ယောင် ဘ၀ထဲမှာ ၀င်ချည်ထွက်ချည် ကျင်လည်ရင်း…ငိုလိုက်ရယ်လိုက် တက်လိုက်ကျလိုက်နှင့် စိတ်လှုပ်ရှားစရာကောင်းတာပေါ့လို့ ကြားဖူးထားတဲ့ အတိုင်း ကိုယ့်ကိုယ်ကို အားပေး နှစ်သိမ့်လိုက်သည်။

အဲဒီ အချိန်မှာ သီချင်းက ဆန်းပြားသော တေးသွားတစ်ခုသို့ ကူးပြောင်းသွားတော့သည်။

(အရှိန်ယူတဲ့ အနေနဲ့ ဟိုရေးဒီရေး စာတစ်ပုဒ် တင်လိုက်ပါသည်။)

5 comments:

သက်ဝေ said...

လုပ်ချင်တာ၊ လုပ်သင့်တာ နဲ့ လုပ်နေရတာတွေ ကြားထဲမှာ အရာရာကို ငြီးငွေ့ ပင်ပန်းလွန်းလို့ ဘေးထွက်ထိုင်နေချင်ပေမယ့် မဖြစ်နိုင်သေးတဲ့ အတွက် ကိုယ်တိုင် သရုပ်ဆောင် ပါဝင်ကပြနေရတယ်...။ အဲဒီလို အချိန်မှာ ပုံရိပ်ရဲ့စာကို ဖတ်လိုက်ရတာ တကယ်ပဲ အားနဲနဲတက်သွားပါတယ်။
ကိုယ်လိုအတွေးမျိုးရှိတဲ့ သူ ကိုယ်တယောက်ထဲ မဟုတ်ပါလားလို့...

စာစုလေးအတွက် ကျေးဇူးပါ ပုံရိပ်ရေ...

pandora said...

ထမ်းမ ထားရတဲ့ လေတွေ လေးလံနေသလား
သီချင်းထဲမှာ စိတ်.. စိတ်ထဲမှာ သီချင်း
တေးသွားလှလှလေးတွေ ဆက်ဖွဲ့ပါဦး

~ဏီလင်းညို~ said...

မပုံရဲ့စာလေးဖတ်ရင်း..ကိုယ့်ကိုယ်ကို ပြန်စဉ်းစားမိနေခဲ့တယ်ဗျာ.......။
တစ်ကယ်ပါပဲ.....။ လုပ်သင့်တာ.....၊ ဖြစ်သင့်တာ....၊ သင့်တာ......သင့်တာ...တွေများနေရင်းနဲ့ပဲလေ....း)
(အကြာကြီးပျောက်မနေပါနဲ့ဦးဗျာ.....။ ရေးဖြစ်သလောက် တင်ပါ။)

ခင်မင်ခြင်းအားဖြင့်.......
ဏီလင်းညို

nu-san said...

ပုံရိပ်ရေ.. စာပြန်ရေးပြီနော်.. :)
ဒီလိုပဲပေါ့ညီမရေ.. ပျော်လိုက်စိတ်ညစ်လိုက် လုပ်ချင်တာနဲ့ လုပ်သင့်တာတွေကို တလှည့်စီ အလိုက်သင့်လုပ်လိုက်နဲ့ ဘ၀တွေကို ဖြတ်သန်းနေကြရတာပေါ့.. ပုံရိပ်ရေးထားသလိုပါပဲ.. လူတိုင်းဟာ ပုံစံမျိုးစုံနဲ့ လှုပ်ရှားရုန်းကန်နေကြတာပါပဲလေ..

Moe Cho Thinn said...

ဘ၀မှာ လုပ်သင့်တာချည်းပဲလဲ မဖြစ်ဘူး။ လုပ်ချင်တာချည်းပဲလဲ မရနိုင်ဘူး။ အဲဒီ နှစ်ခုကို balance လုပ်နိုင်တဲ့ စိတ်မျိုး ထားနိုင်မှ ပျော်ရွှင်မယ်လို့ အမ ထင်မိတယ်။ အဓိကက ကိုယ့်ရဲ့ manage လုပ်နိုင်တဲ့ စိတ် သာ ...။