ဘလောက်ဂ်ဂင်းနှင့် စပ်လျဉ်း၍

ဒီစာကို ရေးမလို့ စဉ်းစားတာတော့ ပြီးခဲ့တဲ့ တစ်ပတ်ထဲကပါပဲ။ ဒါပေမယ့် ရာသီဥတုကလည်း မကောင်း၊ ရာသီဥတုက ကောင်းတော့လည်း အခြေအနေက မပေးဖြစ်နေတာနဲ့ပဲ အခုမှပဲ ရေးဖြစ်ပါတော့တယ်။ ဘလောက်ဂ်များနေ့ အမှတ်တရနဲ့ တပါတည်း ကိုယ်ပြောချင်တာလေးတွေ ဟိုရောက်ဒီရောက် ပြောဖို့ ရေးဖြစ်တာပါ။  

ဘလောက်ဂ်ကို စဖြစ်တဲ့ အချိန်က အရေးကြီးတဲ့ လှေကားတစ်ဆင့်ကို တက်ဖို့ ကြိုးစားနေချိန်ပါ။ ဒါပေမယ့် လုပ်စရာတွေ အင်မတန် များနေတဲ့ထဲကပဲ စိတ်ရဲ့ ထွက်ပေါက်တစ်ခုအနေနဲ့ ဘလောက်ဂ်ကို စခဲ့တယ်။ တစ်ခါတစ်လေ လုပ်စရာအလုပ်တွေကို ဘေးနားမှာ ပုံထားပြီး စာတွေရေးနေမိတဲ့ အထိ ဘလောက်ဂ်ရေးခြင်းကို စွဲခဲ့ပါတယ်။ နေ့စဉ်ဘ၀မှာ ကြုံတွေ့ရတဲ့ အရာလေးတစ်ချို့ဆိုလည်း စာထဲထည့်ရေးလိုက်ဦးမှ ဆိုပြီး အမြဲစဉ်းစားဖြစ်တယ်။ ပုံရိပ် ဆိုတဲ့ လူတစ်ယောက်အနေနဲ့ ပုံရိပ်ယောင် ကမ္ဘာမှာ ပျော်နေတော့တာပဲ။

ပုံရိပ်ယောင် ကမ္ဘာက ပုံရိပ်မှာ စိတ်ဖိစီးမှုတွေ မရှိဘူး။ စိတ်ပူစရာ၊ စိတ်ရှုပ်ထွေးစရာတွေ မရှိဘူး။ ကိုယ်လုပ်တဲ့ အလုပ်အပေါ်မှာ နှစ်သက်မှု အပြည့်ပဲ။ ဘ၀ရပ်တည်ရေး အတွက် မဟုတ်ပေမယ့်လည်း ပုံရိပ်ယောင် လောကမှာ ပျော်ရွှင်မှု ရှိတယ်။ ကျေနပ်မှု ရှိတယ်။ ဒါပေမယ့် ပုံရိပ်ရဲ့ အားနည်းချက်ကတော့ စာရေးကျဲခြင်းနဲ့ ဘလောက်ဂ်လောကကြီးနဲ့ ကောင်းကောင်း မရင်းနှီးခြင်းပါပဲ။ ဘယ်လိုပဲဖြစ်ဖြစ် ကျဲကျဲနဲ့ မှန်မှန်ပဲ ဘလောက်ဂ်လေးက ဆက်ပြီး တည်ရှိနေခဲ့တယ်။ ဘာလိုလိုနဲ့ စိတ်ကူးပုံရိပ်ရဲ့ သက်တမ်းဟာ ခြောက်နှစ်ရှိခဲ့ပါပြီ။

ဘလောက်ဂ်ရေးခြင်းရဲ့ ကောင်းခြင်းကတော့ ကိုယ့်စာကို လွတ်လပ်စွာ နှောင့်နှေးခြင်း မရှိ အများနဲ့ မျှဝေနိုင်ခြင်းပါပဲ။ စိတ်ထဲရှိတဲ့ အကြောင်းအရာကို ကိုယ့်ဆုံးဖြတ်ချက်နဲ့ ကိုယ်ပြောနိုင်တယ်။ ပုံရိပ်ယောင် ကမ္ဘာမှာ အရောင်စုံ၊ အသွေးစုံပဲ။ တကယ် စဉ်းစားကြည့်မယ် ဆိုရင် အံ့သြ၀မ်းသာ စရာဟာ အချို့ ဘလောက်ဂ်ရောင်းရင်းတွေနဲ့ ခင်ခဲ့တာ ခြောက်နှစ်ရှိပြီ ဆိုတာပဲ။ ဘလောက်ဂ်ရောင်းရင်း အချို့လည်း တဖြည်းဖြည်းနဲ့ ပျောက်ကုန်ကြတယ်။ ဘ၀တိုးတက်ရာ တိုးတက်ကြောင်းနဲ့ စီးပွားရေး၊ ကြီးပွားရေး၊ မိသားစုရေးတွေနဲ့ ရှုပ်ထွေးနေတဲ့ လောကကြီးမှာ နေနေရတဲ့ ဘလောက်ဂ်တွေ ဆိုတော့လည်း ပျောက်ကုန်ကြတာ အပြစ်မဆိုသာပါဘူး။ သူတို့ကိုတော့ တစ်ခါတစ်လေ လွမ်းမိပါတယ်။

စရေးစကတော့ ကိုယ်ရေးတာလေး ကိုယ့်ဘလောက်ဂ်ပေါ်မှာပဲ တင်ဖြစ်ခဲ့တယ်။ နောက်တော့ အွန်လိုင်းမဂ္ဂဇင်းတွေကို ကိုယ့်စာအချို့ ပို့ဖို့ အကြံရလာတယ်။ ကိုယ်ရေးတဲ့ စာဆိုတော့ ပရိတ်သတ်များနိုင်သမျှ များအောင် ရည်ရွယ်တာ အမှန်ပဲ။ ဒီလိုနဲ့ ရေးတဲ့စာတွေကိုလည်း ပိုပြီး အရည်အသွေးကောင်းအောင် ကြိုးစားလာရတယ်။ (ပိုကောင်းလာသလားတော့ မသိဘူးပေါ့။ ဒါပေမယ့် စာရေးတဲ့ အလေ့အကျင့်လေး ပိုရလာပါတယ်။) မရေးဖူးတဲ့ အကြောင်းအရာအချို့ကို ရေးကြည့်ဖို့ ကြိုးစားဖြစ်တယ်။ မရေးဖူးတဲ့ဟန် အချို့ စမ်းသပ်ကြည့်ချင်တယ်။ စာတစ်အုပ်ဖတ်ရင်း ကိုယ်ကြိုက်တဲ့ ဟန်ပန်အချို့တွေ့ရင် ကိုယ်လည်း ဒီလိုဖန်တီးလို့ ရပါလားလို့ ခေါင်းထဲ အတွေးဝင်လာတတ်တယ်။ အဲဒီ အတွေးကနေ ဆင့်ပွားပြီး ရေးမယ့် အကြောင်းအရာကို ဆက်ပြီး စဉ်းစားနေတတ်တယ်။ အဲဒီလို စဉ်းစားရတာကိုက ပျော်စရာပါပဲ။

တကယ့်လောကမှာ စိတ်ညစ်စရာတွေများလာရင် ပုံရိပ်ယောင်ကမ္ဘာထဲ ပြေး..ပြေးဝင်မိတော့တယ်။ အပြင်လောကက ပုံရိပ်စစ်နဲ့ ဘလောက်ဂ်လောကက ပုံရိပ်ယောင်ကို ခွဲခြားထားမိတယ်။ ဒါကြောင့်လည်း ပုဂ္ဂိုလ်ရေးနဲ့ ဆိုင်တဲ့ အကြောင်းအရာတွေ မရေးဖြစ်မိသလောက်ပဲ။ ပုံရိပ်စစ်ဟာ ဘယ်သူဆိုတာကို စာဖတ်သူအနေနဲ့ တွဲမမြင်စေချင်ဘူး။ တွဲမြင်နေရင် ဖတ်တဲ့စာအပေါ်မှာ လွှမ်းမိုးမှုများ ရှိနေမလားလို့။  တကယ်တော့လည်း ပုံရိပ်စစ်ဟာ အရေးမကြီးလှပါဘူး။ ကိုယ်ကြိုက်တာတွေရော မကြိုက်တာတွေပါ ရောနှောနေတဲ့ ပုံရိပ်တစ်ခုပါ။ ပုံရိပ်ယောင် လောကမှာတော့ ကိုယ်ကိုယ့်ကို (အတိုင်းအတာတစ်ခု အထိ) ဖန်တီးယူလို့ ရတယ် မဟုတ်လား။ ကြာတော့လည်း ဘယ်လောကမှာ ကိုယ်နေတယ်ဆိုတာ မကွဲပြားချင်တော့ဘူး။ သိပ္ပံစိတ်ကူးယဉ် ၀တ္ထုတစ်ပုဒ် ဆိုရင်တော့ အပြိုင်လောက (parallel universe) တစ်ခုပေ့ါ။  

(ကိုရန်အောင်…နောက်နှစ်အတွက် ကြိုပြီး ရေးထားလိုက်ပြီ။)

ရှိတာ သွန်ပစ် စက်တင်ဘာနှစ်

အိတ်ထဲမှာ…

၁) လောကကြီးကို ခလုတ်နှိပ် ပိတ်ပစ်လိုက်ဖို့ သီချင်း တစ်ပုဒ်ရှိတယ်။

၂) ကိုယ့်မျက်ချေး ကိုယ်မြင်အောင် ကြည့်ပစ်လိုက်ဖို့ (ဖုန်တက်နေတဲ့) မှန်တစ်ချပ်ရှိတယ်။

၃) အရှုပ်တွေကို ရှင်းပစ်လိုက်ဖို့ ဘီးတစ်ချောင်း ရှိတယ်။

၎) မတော်တဆ ထိခိုက်မှုလေးတွေကို ပြင်ဆင်လိုက်ဖို့ အတွက် ပလာစတာလေးတွေ ရှိတယ်။

၅) လိုတရ အကုန်သုံး (နောက်ဆုံးမှ အကြွေးများနဲ့ ကိုယ့်ကိုထားခဲ့မယ့်) ကဒ်သုံးလေးငါး…ခြောက်…ခုနစ်….(အဟမ်း) ကဒ် ရှိတယ်။

၆) ဟိုဖွင့် ဒီဖွင့် ဖွင့်ဖို့ သော့လေးငါးစုံ ရှိတယ်။ (တစ်ခါတစ်လေ တံခါးတွေကို မမှတ်မိတတ်ဘူး။)

၇) တာဝန်ရှိသူလို့ အဓိပ္ပာယ်ရတဲ့ ကဒ်တစ်ကဒ်ရှိတယ်။ (ဘာတာဝန်လဲ ဆိုတာတော့ ကိုယ်သာ အသိဆုံး။)

၈) အထက်ကို တက်ဖို့၊ အောက်ကို ဆင်းဖို့၊ ပိတ်ထားတဲ့ တံခါးတွေဖို့ ကဒ်တစ်ကဒ်ရှိတယ်။

၉) အမုန်းတွေကို ဖိနှိပ်ပြီး ထည့်ထားတဲ့ အပြုံးတစ်ပွင့် ရှိတယ်။ လိုရင် ထုတ်သုံးတယ်။ မလိုရင် ခေါက်ပြီး သိမ်းထားလိုက်မယ်။

၁၀) ရေမရောတဲ့ အပြုံးတစ်ပွင့် ရှိတယ်။ (သုံးရတဲ့ အကြိမ် နည်းများနည်းလာသလား။)

၁၁)ေ၀၀ါးနေတဲ့ လောကကြီးကို အကူကြည့်ဖို့ မျက်မှန်တစ်စုံရှိတယ်။

၁၂) ပြီးတော့….အေးအေးဆေးဆေး ၀င်ခွေနေတဲ့ မြွေတစ်ကောင် ရှိတယ်။ (အောင်မလေး)

(မသက်ဝေ ရေ အိတ်ထဲကို နှိုက်ကြည့်လိုက်ပြီနော်။)

သီချင်းရောင်ခြယ်

          ဆယ့်နှစ်ရက်၊ ဆယ့်သုံးရက်၊ ဆယ့်လေးရက်….

          သုံးရက်လုံးကို မမေ့ဘူး။ လွန်ခဲ့တဲ့ နှစ်ရက်ကိုမေ့ထားခဲ့ပြီးတော့မှ ဆယ့်လေးရက်နေ့မှာ ပေါ်လာတဲ့ ရှေ့မီနောက်မီကြီးရဲ့ အတွေးလေ။

          ဒီနေ့တော့ အနီရောင်တွေက လွှမ်းမိုးလွန်းနေသည်ဟု ထင်သည်။ အနီရောင်ကြားမှာ ပန်းရောင်ကလည်း ပုန်းတ၀က် ကွယ်တ၀က်ပင်။ နှင်းဆီနီတွေ၊ စက္ကူနီတွေ၊ အနီရဲရဲ ကဒ်တွေ၊ ရဲရဲတောက်နေတဲ့ အသည်းတွေ၊ ပန်းနီသွေးပြေးနေတဲ့ ၀က်ဝံရုပ်လေးတွေ၊ နီတွတ်နေတဲ့ ချောကလက်ဘူးတွေ။ အို…မမြင်ချင်မှ အဆုံးပဲ။

          ဘေးနားက ဖြတ်လျှောက်သွားတဲ့ ကောင်မလေးနှစ်ယောက်က ချိန်းထားတဲ့ သူတို့ကောင်လေးတွေ အကြောင်းပြောရင်း ရယ်လို့မောလို့။ ကောင်လေးတစ်ယောက်ကတော့ နှင်းဆီနီနီတွေနဲ့ ပန်းစည်းကို ကိုင်ရင်း ခပ်သုတ်သုတ်လျှောက်သွားလေရဲ့။ ၀တ်ကောင်းစားလှတွေနဲ့လေ။ ရှေ့က လမ်းဖြတ်ကူးနေတဲ့ လူရွယ်ရဲ့ ကျောပိုးအိတ်ထဲမှာလည်း နီနီထွေးထွေး အထုပ်လေးတစ်ထုပ် လှမ်းတွေ့နေရတယ်။ ကော်ဖီဆိုင်မှာ ထိုင်နေတဲ့ အဖွားကြီးနှစ်ယောက်ကလည်း အနီရောင် လွှမ်းမိုးတဲ့ ပ၀ါခြုံထည် ကိုယ်စီနဲ့။

ကြည့်စမ်း…ဒီနေ့ကို အရောင်ခြယ်ဖို့ အစီအစဉ်မရှိတာ ကိုယ်တယောက်တည်းလား။ နေ့လည်ထမင်းစားချိန်မှာ ဒီနေ့ ဘာအစီအစဉ်ရှိလဲလို့ မေးလာတဲ့ မေးခွန်းကို ဂရုမစိုက်သလိုလုပ်ပြီး ဖြေခဲ့တာ သတိရတယ်။ ဘာဂရုစိုက်စရာ ရှိလို့လဲ။ မနေ့တနေ့ကလို နေ့တနေ့ပါပဲ။ လုပ်ဖော်ကိုင်ဖက်တချို့က စကားတောင် မပြောနိုင်ဘဲ စောစောပြန်မှာမို့ လုပ်စရာရှိတာတွေ မြန်မြန်လုပ်ရမယ်လို့ လောဆော်နေကြတယ်။ တယောက်ကတော့ အိမ်မှာပဲ ချက်မတဲ့။ တယောက်ကတော့ ခြောက်နာရီမှာ ချိန်းထားသတဲ့။ လွန်ခဲ့တဲ့ နှစ်လလောက်ကတည်းက ဆိုင်မှာ နေရာဦးထားရတယ် ဆိုပဲ။ တို့များတော့ ဒီလောက် မကြိုးစားဘူးလို့ မလိုတမာတွေးနေလိုက်တယ်။

“ဟယ်လို…။ ဟေ့…ငါပါ။”

“ဘယ်က ငါလဲ…။ မသိဘူး။”

အသံရှင်ကို သိသော်လည်း ဘုတောချင်သော စိတ်ကများနေ၏။

“မသိရင်လည်း ပြီးတာပဲ။ နင့်နာမည်နဲ့ သီချင်းတပုဒ် ရေဒီယိုမှာ ကြားလို့။ အဲဒါပြောပြမလို့။”

“ဟယ်….။ တကယ်….။”

လေသံချက်ချင်း ပြောင်းသွား၏။

“ဘယ်လိုင်းကလဲဟင်။”

“ဂန္ထ၀င်ဂီတ…။ ကဲ…မြန်မြန်နားထောင်။ မကြားလိုက်ဘဲ နေဦးမယ်။”

စကားမဆုံးခင်မှာပင် ရေဒီယိုကို လက်က ဖွင့်ပြီးနေပေပြီ။

“ကျေးဇူးပဲ သူငယ်ချင်း။ နောက်မှ ပြန်ခေါ်လိုက်မယ်နော်…။”

ရေဒီယိုက သီချင်းက ချိုမြစွာ…လွမ်းမောစွာ။ ဘယ်သူ့လက်ချက်လဲ ဆိုတာတော့ သိနှင့်ပြီးပြီ။ တိတ်တိတ်လေး ကျိတ်ပြုံးရင်း သီချင်းကို နားထောင်၏။ 

“လစန္ဒာရယ်…ကိုယ့်ရဲ့ အလွမ်းတွေဟာ

ဖြေသိမ့်လို့ ရမှာ မဟုတ်။

ချစ်သူရှိတဲ့ အနာဂတ်ကို

ကိုယ်အမြဲ တောင့်တ မျှော်လင့်နေဆဲ။”

ဒီနေ့က အရောင်တွေစုံလို့ နေသည်။

စာရေးချင်သူ တစ်ယောက်ရဲ့ မှတ်တမ်း

ညဥ့်က တော်တော်နက် နေပါပြီ။ အိပ်ရာဝင်ဖို့လည်း မီးပိတ်ပြီးပါပြီ။ ဒါပေမယ့် ထူးထူးခြားခြား ကျွန်မ စာရေးချင်လာတယ်။ ခေါင်းရင်းမှာ ရှိနေတဲ့ မီးတိုင်လေးကို လှမ်းပြီး ဖွင့်လိုက်မိပြန်တယ်။ အိပ်ရာဘေးက စားပွဲပေါ်မှာ အမြဲတင်ထားတတ်တဲ့ ခဲတံနဲ့ စာအုပ်တစ်အုပ်။ အဲဒီစာအုပ်ထဲမှာ ကျွန်မ စိတ်ထဲမှာ ပေါ်လာသမျှ အကြောင်းအရာတွေကို ချရေးထားလေ့ရှိတယ်။

အိပ်ချင်စိတ်လည်း ပျောက်သွားတာနဲ့ အမျှ စာမျက်နှာပေါ်က အကြောင်းအရာတွေလည်း ခေါင်းထဲကို ပြန်ပြေးဝင်လာကြတယ်။ တကယ်တော့ ဒီလိုစာအုပ်မျိုး ကျွန်မမှာ တစ်အုပ်မက ရှိပါတယ်။ သတိရတဲ့ အချိန်က စပြီး သိမ်းထားမိပေမယ့် တချို့တလေလည်း ပျောက်ပျက် ကုန်ကြပါပြီ။ ငယ်တုန်းကတော့ သိမ်းရကောင်းမှန်း မသိခဲ့ဘူး။

ကျွန်မက စာသိပ်ရေးချင်ပါတယ်။ မူကြိုကျောင်းလောက်ကတည်းက သူငယ်ချင်းမလေးကို အပြင်မှာ မဖြစ်ခဲ့တာတွေကို ဇာတ်လမ်းဆင်ပြီး စီကာပတ်ကုံး ပြောခဲ့တာ မှတ်မိတယ်။ သူငယ်ချင်းမလေးက မျက်လုံးလေး အ၀ိုင်းသားနဲ့ နားထောင်ပါတယ်။ အံ့သြလိုက်၊ ပျော်လိုက်၊ ရယ်လိုက်နဲ့ ဖြစ်သွားတဲ့ သူ့မျက်နှာကိုကြည့်ပြီး သဘောကျတာ ကလွဲရင် ကျွန်မကိုယ်တိုင်က ဇာတ်လမ်းကို စဉ်းစားပြီး ပြောပြရတာကို သဘောကျနေတတ်ပါတယ်။

စာစရေးချင်တဲ့ အချိန်ရောက်တော့ စာအုပ်တွေလည်း တော်တော်များများ ဖတ်ဖြစ်ခဲ့ပြီးပါပြီ။ မျက်မှန်လည်း တော်တော်ထူခဲ့ ပါပြီ။ နွေရာသီကျောင်းပိတ်ရက်မှာ ၀မ်းလျားမှောက်ပြီး စာအုပ်တွေ ဖတ်တတ်တဲ့ အဆင့်ကနေ တက်လာပြီး ကဗျာတိုလေးတွေ လျှောက်ရေးဖြစ်ပါတယ်။ နောက်တော့ စာအပိုင်းအစတွေ ရေးဖြစ်တယ်။ ကျွန်မရဲ့ အားနည်းချက်က ဘယ်တော့မှ အဆုံးသတ်အောင် မရေးတာပါပဲ။ ရေးရင်းနဲ့ မကြိုက်တော့ရင် ဖြစ်ဖြစ်၊ ပျင်းလာရင် ဖြစ်ဖြစ် အဲဒီနေရာမှာပဲ ရပ်ပစ်လိုက်တယ်။ အဲဒီလိုနဲ့ ကျွန်မရဲ့ အ၀တ်ဗီရိုလေးထဲမှာ စက္ကူစတွေ ပုံလာပါတယ်။

နောက်မှတ်မှတ်ရရ ရှိတာကတော့ ဆယ်တန်းနှစ်မှာ စာစီစာကုံးရေးရတာကို ပါပဲ။ စာစီစာကုံးရေးရတာကို ကျွန်မ သဘောကျတယ်။ အချိန်အကန့်အသတ်နဲ့ ရေးရတာကိုတော့ မကြိုက်ခဲ့ပါဘူး။ ဒါပေမယ့် ဆရာမက အိမ်စာ ပေးလိုက်ရင် စာတိုပေစလေးတွေ ရှာဖတ်ပြီး ရေးရတာကို သိပ်သဘောကျမိတယ်။ တခါတလေ စာစီစာကုံးရေးဖို့ ကိုးကားရှာရာ ကနေပြီး စာအုပ်တွေ တစ်အုပ်ပြီး တစ်အုပ် ဖတ်နေမိလို့ စာစီစာကုံး မပြီးတဲ့ အချိန်တွေလည်း ရှိတတ်ပါတယ်။ ဒီလိုနဲ့ ဆယ်တန်းစာမေးပွဲကြီးမှာ မြန်မာစာကို ဂုဏ်ထူးမှတ်လေးပဲ ကပ်ရလို့ စိတ်ဆိုးမာန်ဆိုး ဖြစ်လိုက်သေးတယ်။ ဒါပေမယ့်လည်း ပြီးတော့လည်း ပြီးတာပါပဲလေ။

တက္ကသိုလ်ရောက်တော့ ပထမနှစ်မှာ မြန်မာစာ ဖြေရတဲ့ နေ့တစ်နေ့ကို မှတ်မိနေပါသေးတယ်။ စာစီစာကုံး တစ်ပုဒ်ကို ကျူတိုရီယယ် အနေနဲ့ ဖြေရပါတယ်။ ခေါင်းစဉ်က မမေ့နိုင်သော နေ့တစ်နေ့ တဲ့။ ကျွန်မဖတ်ဖူးတာတော့ မမေ့နိုင်သော နေ့ဆိုရင် စာမေးပွဲ အောင်တဲ့နေ့၊ ရှင်ပြုသောနေ့၊ အလှူ တစ်ခု အတွက် ပီတိဖြစ်ရသောနေ့ စသည်ဖြင့် ရေးတတ်ကြတာကို သတိရတယ်။ ဒါပေမယ့် ကျွန်မရေးလိုက်တာက ကျွန်မအတန်းထဲမှာ အဆင့် ဘိတ်ချေး ရတဲ့နေ့။ အဲဒီနေ့ဟာ ကျွန်မကို အရှုံးနဲ့ ဘယ်လို ရင်ဆိုင်ရမယ်ဆိုတာ သင်ပေးတယ်လို့ ရေးလိုက်တယ်။ အဲဒီ စာစီစာကုံးနဲ့ ကျွန်မ အမှတ် အများဆုံး ရပါတယ်။ တခြား ဘာသာတွေ ဘယ်လောက်ရတယ်တော့ မမှတ်မိဘူး။ စာစီစာကုံး အမှတ်အများဆုံး ရတဲ့ အတွက် ကျွန်မ ပျော်နေပါတော့တယ်။

တဖြည်းဖြည်းနဲ့ သိလာရတာကတော့ ကျွန်မ စာရေးသူ တစ်ယောက် ဖြစ်ချင်တယ် ဆိုတာပါပဲ။ ကိုယ့်ကိုယ်ကို ယုံကြည်ချက်လည်း နည်းနည်းရှိလာပါတယ်။ တက္ကသိုလ် စတက်ချိန်လောက်မှာ ကျွန်မရေးထားတဲ့ စာတစ်ပုဒ် မဂ္ဂဇင်းမှာ ပါလာဖူးပါတယ်။ ပါလာတာကလည်း အကြောင်းတိုက်ဆိုင်မှုတွေ အားလုံးကြောင့်၊ ဆရာတစ်ယောက်ရဲ့ ကျေးဇူးကြောင့်ပါ။ ဘယ်လိုပဲ ဖြစ်ဖြစ် ကျွန်မရေးထားတဲ့ စာကို ပုံနှိပ်စာလုံးနဲ့ မြင်ရတော့ ၀မ်းသာလိုက်တာမှ ပြောမပြတတ်အောင်ပဲ။

တကယ်တော့ အားတက်ပြီး ဆက်ရေးသင့်တဲ့ အချိန်မှာ ကျွန်မရဲ့ ဘ၀ရှေ့ရေးအတွက် လုပ်စရာတွေက ဖိစီးလာတဲ့ အတွက် စာကောင်းကောင်းရေးဖို့ ဝေးခဲ့ပါတယ်။ လုပ်စရာရှိတာတွေကို အလျင်စလို လုပ်နေခဲ့ရတဲ့ အချိန်များမှာတော့ ကျွန်မမှာ စာအုပ်ကလေးတွေ ပိုများလာပါတယ်။ ကျွန်မအိပ်ရာဘေးမှာ ကျွန်မရဲ့ မှတ်စုစာအုပ်နဲ့ ခဲတံ တစ်ချောင်း ထားလေ့ရှိတယ်။ ဒါပေမယ့် ငယ်ငယ်က အကျင့်ဆိုးအတိုင်းပဲ ဘယ်အရာကိုမှ ပြီးအောင် မရေးဖြစ်ခဲ့ဘူး။ မှတ်မှတ်ရရ စာလေးနှစ်ပုဒ်သုံးပုဒ်တော့ ပြီးခဲ့တယ်။ အဲဒီထဲကမှ ၀တ္ထုတိုလေး တစ်ပုဒ်ကို နာမည်ကြီး မဂ္ဂဇင်းတိုက်တစ်ခုကို ပို့ခဲ့ဖူးပါတယ်။ ပါမလာပါဘူး။ ဒီလိုနဲ့ပဲ ကျွန်မစာရေးခြင်းကို မေ့မေ့ပျောက်ပျောက် ဖြစ်နေခဲ့ပါတယ်။

ဆယ်ဂဏန်း တစ်ခုကနေ နောက်ဆယ်ဂဏန်း တစ်ခုကို ကူးပြောင်းရတော့မယ့် အချိန်မှာ ကျွန်မကိုယ် ကျွန်မမေးမိတယ်။ ဘာဖြစ်ချင်သလဲလို့။ ဖြစ်ချင်တာတွေ တော်တော်များများလည်း ဖြစ်ခွင့် မရသေးသလို၊ ဖြစ်ချင်တာတချို့လည်း ဖြစ်ခဲ့ပြီးပါပြီ။ ဒါပေမယ့် စာရေးသူ ဖြစ်ချင်တယ် ဆိုတဲ့ ရည်ရွယ်ချက်ကိုတော့ အကောင်အထည် မဖော်ရသေးတာ သတိရပါတယ်။

တကယ်တော့ အသက်ငယ်တုန်းမှာ စာရေးတာ ပိုသွားမလားပဲလို့ စဉ်းစားမိတယ်။ အသက်ငယ်တုန်းမှာ ယုံကြည်မှု တစ်ခုဆိုလည်း ပြင်းပြင်းထန်ထန် စွဲစွဲမြဲမြဲ ယုံကြည်လိုက်တာပဲ။ ခံစားမှု ဆိုလည်း နင့်နင့်နဲနဲ ခံစားလိုက်တာပဲ မဟုတ်လား။ အဲဒီတော့ စာရေးရတာ ပိုပြီး သွက်လက်မယ်။ ပြောစရာတွေ ပိုရှိမယ်။ စာရေးသူဆိုတာ ခံစားချက်ပြင်းထန်မှ စာရေးလို့ကောင်းတယ်လို့ ထင်တာပါပဲ။ ဒါမှမဟုတ် ဘ၀ကို ထူးခြားတဲ့ အမြင်နဲ့ ကြည့်တတ်တဲ့သူ၊ နောက်ပြီးတော့ ဘ၀မှာ နာကြည်းချက်၊ ထိခိုက်ခံစားချက်များတဲ့ သူ တွေဆိုလည်း စာရေးကောင်းတယ် ထင်တာပဲ။ စာကောင်းရေးတာနဲ့ စာရေးကောင်းတာ နဲ့တောင် မတူဘူးလို့ ဆိုချင်ပါတယ်။ အတွေ့အကြုံ ဗဟုသုတနဲ့ ခံစားချက် ဆိုတဲ့ အဓိကအပိုင်းနှစ်ပိုင်းက စာတစ်ပုဒ်ပေါ်မှာ သြဇာသက်ရောက်မှု ရှိတယ် မဟုတ်လား။ စာကောင်းရေးတဲ့လူတိုင်းဟာ စာရေး ကောင်းချင်မှကောင်းမှာပဲ။ အဲ…ပြောရင်းနဲ့ ရှုပ်ချင်လာပြီ။

ခုတော့ သုံး ဆိုတဲ့ ဆယ်စုနှစ်တစ်ခုကို ကပ်လာတဲ့ ကျွန်မမှာ စာရေးနိုင်တဲ့ စွမ်းရည်တွေ အရင်ကလောက် မသွက်တော့ဘူး။ တခုခုဆိုရင် ရေးလိုက်ဖို့ကို စဉ်းစားနေမိတယ်။ ဒီအကြောင်းအရာက သင့်တော်ပါ့မလား။ ဒီလိုရေးဖို့ ဆီလျော်ပါ့မလား စသည်ဖြင့် တွေးနေတာနဲ့ပဲ ခရီးမတွင်တော့ပါဘူး။ စက်ဘီးစီးသင်သလို၊ ရေကူးသင်သလိုပဲလို့ ဆိုရမလား မသိဘူး။ ချင့်ချိန်ဥာဏ်တွေက သိပ်ပြီး အလေးသာနေရင် ကြောက်စိတ်က ပိုများနေလို့ လွယ်လွယ်နဲ့ မတတ်တော့ဘူး။

ငယ်တုန်းကဆိုရင်တော့ သစ်ရွက်ကလေးတွေ ကြွေတာလည်း စာတစ်ပုဒ်ပဲ။ ပန်းကလေးတွေ ဝေနေတာလည်း စာတစ်ပုဒ်ပဲ။ ဆရာမ ဂျူးကတောင်မှာ စာပေဟောပြောပွဲ တစ်ခုမှာ သူ့ကိုယ်သူ ခွဲခြမ်းစိတ်ဖြာ ပြတာကတော့ ငယ်တုန်းက သူဟာ အချစ်အကြောင်းရေးတယ်တဲ့။ အမျိုးသမီး ရေးရာ အကြောင်းရေးတယ်တဲ့။ အသက်ကြီးလာတော့ အခုအချိန်မှာတော့ သူ အချစ်အကြောင်း မရေးနိုင်တော့ပါဘူးတဲ့။

ကျွန်မအခုတလော တွေးမိနေတာကတော့ လူတွေအကြောင်းပါပဲ။ စိတ်ပျက်တဲ့ အခါ၊ စိတ်ဆိုးတဲ့ အခါ ဖြစ်ပေါ်လာတဲ့ အတွေး။ ဒါမှမဟုတ်လည်း လမ်းသွားရင်း မြင်မိတဲ့ အကြောင်းအရာ၊ သတင်းတစ်ပုဒ်ထဲက ရလိုက်တဲ့ အတွေးတစ၊ သီချင်းတစ်ပုဒ်ထဲက ဖြတ်စီးသွားတဲ့ ခံစားမှု အပိုင်းအစ၊ ကိုယ့်ဘေးမှာ ရှိတဲ့ လုပ်ဖော်ကိုင်ဖက် တစ်ယောက်ရဲ့ ထူးခြားတဲ့ မထူးခြားတဲ့ ဇာတ်လမ်း အတိုတစ်ပုဒ်…စသည်ဖြင့် ကိုယ့်ဟာကိုယ် တစ်ယောက်တည်း တေးထားလိုက်တယ်။ ဒီအကြောင်းတွေကို ၀တ္ထုရေးဦးမှပဲလို့။ အဲဒီလို စိတ်ထဲတွေးလိုက်ရတာနဲ့တင် စာရေးချင်စိတ် ပြန်ပေါ်လာတတ်ပါတယ်။ ထစ်ကနဲဆို စာထဲထည့်ရေးလိုက်မယ် စိတ်ကူးတိုင်းသာ ရေးဖြစ်ရင် အခုလောက်ဆို ကျွန်မ စာတော်တော် ရေးဖြစ်နေပါပြီ။ ဒါပေမယ့် စားဝတ်နေရေးအတွက်၊ တိုးတက်ရာ တိုးတက်ကြောင်းအတွက် လုံးလည်ချာလည်လိုက်ရင်းနဲ့ပဲ ခေါင်းထဲက စာတွေ အရည်ပျော်ကုန်ကြတယ်။

ကဲ…အခုတော့ သုံးဆိုတဲ့ ဂဏန်းကိုလည်း မြင်နေရပြီ။ မရောက်ခင်တော့ စာတစ်ပုဒ်ကို တက်သုတ်ရိုက်ပြီးရေးလိုက်ဦးမှပါပဲ။ အသက်သုံးဆယ် အရွယ် စာရေးချင်သူတစ်ယောက်ရဲ့ မှတ်တမ်းတစ်ပုဒ်ပေ့ါ။

ဝဲဆေးလိမ်းပြီးပါကြောင်း

ပုံရိပ်၏ ဘလောက်သည်လဲ ၀ဲစွဲခံရကြောင်းနှင့် လင့်ခ်များကို မဖြုတ်ချင်ဘဲ ဖြုတ်လိုက်ရကြောင်း၊ ယခုအခါ ၀ဲစွဲခြင်းကင်းရှင်းသွားပါကြောင်း....
(စာပြန်ရေးဖို့လဲ ကြိုးစားနေပါကြောင်း...မယုံလျှင် ပုံပြင်ဟုသာ မှတ်ပါတော့...)

ထမ်းမ ထားရသော လေများ

လည်ပတ်နေသော လောကကြီးကို ခဏရပ်ဖို့ အတွက် သီချင်းတစ်ပုဒ်ကို မိုင်ကုန်ဖွင့်လိုက်သည်။ မဆန်းသော်လည်း အံ့သြဖွယ်ကောင်းသော သံစဉ်နှင့်တေးသွားက သူ့စိတ်တို့ကို ဆွဲခေါ်သွားခဲ့သည်။ စိတ်သည် မြေကြီးပေါ်မှာ မရှိတော့။ သီချင်းသည် သူ၏ စိတ်ပင် ဖြစ်တော့သည်။

အချို့ အလုပ်များသည် အင်အားစိုက်ထုတ်ခြင်း မရှိသော်လည်း သူ့ရှေ့မှောက်သို့ ပြီးမြောက်ခြင်း၊ အောင်မြင်ခြင်းများကို အလွယ်တကူ သယ်ဆောင်လာကြသည်။ အချို့ အလုပ်များသည် မည်မျှပင် အင်အားစိုက်ထုတ်သော်ငြားလည်း လောကကြီးမှာ အရာမျှပင် မထင်။ ကွယ်ပျောက်သွားကြသည်။ သို့ပေမယ့် အချိန်ကျပြန်တော့လည်း အဲဒီ အရာမထင်သော အလုပ်များကို မလုပ်မနေ လုပ်ရပြန်သော သူ့ဘ၀ကိုသူ စိတ်နာချင်သည်။ တခါတလေတော့လည်း အရာထင်ဖို့ အတွက် အင်အားမထည့်ဘဲ ဖြစ်နေသည့်အတိုင်း မျှောထားလိုက်တာကမှ ကောင်းမည် ထင်သည်။ ဒါဆိုရင် သူ့ဘ၀က လုပ်ချင်တာကို မလုပ်ရဲလို့ လုပ်သင့်တာကို လုပ်နေရသည်ဆိုတာ တော်တော်လေး ပေါ်လွင်နေပါပြီ။ဘေးထွက် ထိုင်ကြည့်နေသည့် ပရိတ်သတ်နေရာက သူနေချင်သေးသည်။ သရုပ်ဆောင်ရတာ ပင်ပန်းလှပါသည်။

အနုပညာဟု အများက ခေါ်ကြသော ဖန်ဆင်းမှုများသည် ခံစားမှုများကို အရင်းတည်ထားသည်ဟု ဆိုကြပါသည်။ လူဆိုတာက ပန်းလေးများ လိပ်ပြာလေးများကိုသာ နှစ်သက်သည် မဟုတ်။ ကြွေကျသွားသော ပန်းများ၊ မှောင်မိုက်သော အိပ်မက်ဆိုးများ၊ ခြောက်ခြားဖွယ် မျက်နှာများကိုလည်း ၀န်မခံချင်သော်လည်း ခံစားနိုင်ကြသည် မဟုတ်လား။ သဘာဝလွန် အိပ်မက်ဆန်ခြင်း (surrealism) တို့လွှမ်းမိုးသော ပန်းချီကားများဖြစ်သည့် မန့်ခ်ရဲ့ အော်သံတို့၊ ဒါလီရဲ့ မှတ်ဉာဏ်များ၏ မြဲမြံခြင်းတို့ ဆိုရင် ဘယ်လောက် နာမည်ကြီးသလဲကွယ်။

တခါတလေမှာတော့ သူ့ကို ပျော်အောင်ထားဖို့ ဘာမှသိပ်မလိုပါဘူး။ စာကောင်းကောင်းလေး တစ်ပုဒ်၊ ပန်းချီကား ကောင်းကောင်းတစ်ကား၊ ဒါမှမဟုတ်လည်း ရုပ်ရှင်ကောင်းကောင်း တစ်ကား။ ဒီလောက်ပါပဲ။ ဒါပေမယ့် တခါတလေမှာလည်း သူ့ကို စိတ်ညစ်အောင်လုပ်ရန် ဘာမှ မလိုပါပေ။ တနေ့ဟင်းချက်ရင်း အဆင်မပြေလို့ ဟင်းအိုးတူးသွားရင်သော် လည်းကောင်း၊ လုပ်စရာတွေများလို့ မအိပ်ရတဲ့နေ့တွေမှာ သော်လည်းကောင်း၊ အိမ်မှာ ပစ္စည်းတခုခု ပျက်ရင်သော် လည်းကောင်းသူ စိတ်ညစ်နေတတ်ပြန်သည်။ သူ့စိတ်သည် တက်လွယ်ကျလွယ် သည်လား။

ဘ၀ဆိုတာ ကျောင်းမှ အိမ်စာများ ပြီးအောင်လုပ်သလို အိမ်စာတွေ ပြီးအောင်လုပ်ရုံနှင့် ဘီးဆက်လည်နေလျှင်တော့ သိပ်ကောင်းတာပေါ့။ တခါတလေမှာ အိမ်စာတွေ မပြီးတာလည်း မဟုတ်ပါဘဲနှင့် အိမ်စာတွေ ပြီးလျက်နဲ့တင် ဆက်ပြီး မလည်ပတ်နိုင်တာကိုတော့ သူစိတ်ကောက်ချင်သည်။ ဘယ်သူ့ကို စိတ်ကောက်ရမည်တော့ မသိ။ ငယ်ငယ်က အမေ့ကို စိတ်ကောက်သလို အိပ်ရာထဲ ၀င်ခွေပြီး အိပ်နေလို့ ရရင်လည်း သိပ်ကောင်းတာပေါ့။ ခုတော့ အိပ်ရာထဲမှာ ၀င်ခွေနေရုံနှင့် ပြီးသွားတာမှ မဟုတ်တာဘဲလေ။

အဲဒီလို အချိန်မျိုးတွေမှာ နားထဲကို နားကြပ်ထည့်ပြီး သီချင်းတွေ အကျယ်ကြီးဖွင့်ပြီး စိတ်ထဲမှာ ၀ုန်းဒိုင်းကြဲနေလိုက်သည်။ အဲဒီအခါမှာ သူ့ရှေ့က လောကကြီးဟာ အသံတိတ်ထားတဲ့ ရုပ်ရှင်တစ်ကားလိုပဲ အသံတိတ် လှုပ်ရှားနေတာကို ကြည့်ပြီး ကျေနပ်သွားပြန်ရော။ လူတွေအားလုံးက သူ့အကြောင်းနဲ့သူ လှုပ်ရှားနေကြတာပဲ။ လောကကြီးကို အသံတိုးလိုက်တဲ့ အခါမှာ သူက အဲဒီလောကကြီးထဲကနေ (ခေတ္တခဏတော့) လွတ်မြောက်သွားသလိုပဲ။

တကယ်တော့ သူဟာ စိတ်ပျော့တဲ့လူတစ်ယောက်တော့ မဟုတ်ပါဘူး။ သံမဏိစိတ်လို့ မဆိုသာပေမယ့် ကျွန်းသားလောက်တော့ ရှိမယ်ထင်ပါတယ်လို့ ကိုယ့်ကိုယ်ကို အားပေးမဲတင်းလိုက်သည်။ တကယ့်ဘ၀နှင့် ပုံရိပ်ယောင် ဘ၀ထဲမှာ ၀င်ချည်ထွက်ချည် ကျင်လည်ရင်း…ငိုလိုက်ရယ်လိုက် တက်လိုက်ကျလိုက်နှင့် စိတ်လှုပ်ရှားစရာကောင်းတာပေါ့လို့ ကြားဖူးထားတဲ့ အတိုင်း ကိုယ့်ကိုယ်ကို အားပေး နှစ်သိမ့်လိုက်သည်။

အဲဒီ အချိန်မှာ သီချင်းက ဆန်းပြားသော တေးသွားတစ်ခုသို့ ကူးပြောင်းသွားတော့သည်။

(အရှိန်ယူတဲ့ အနေနဲ့ ဟိုရေးဒီရေး စာတစ်ပုဒ် တင်လိုက်ပါသည်။)

အရှိန်ယူခြင်း

နေရောင်က ကန့်လန့်ကာ ကြားထဲက တိုးဝင်ပြီမို့ မနက်မိုးလင်းပြီမှန်း သိလိုက်ပါသည်။ သို့သော်လည်း အေးအေးစိမ့်စိမ့် တနင်္ဂနွေ မနက်ခင်း တစ်ခုမှာ ဆက်ပြီးတော့ ကွေးချင်နေသေးသည်။ ဒီလိုနှင့် စောင်ကို ခေါင်းမြီးခြုံ၍ တဖက်လှည့်ကာ ဆက်ကွေးနေလိုက်သည်။ ထိုအချိန်မှာ

“ဒေါက်……”

အိပ်ယာဘေးက ပြတင်းပေါက်နားကို တစ်ခုခု ကျလာဟန်တူသည်။ ကိုယ့်အိပ်ယာက ပြတင်းပေါက်နှင့် ကပ်နေတော့ အကျယ်ကြီး ကြားရသည်။ ပြတင်းပေါက်နားမှာ သစ်ပင်ကြီး တစ်ပင် ရှိသည်။ ထုံးစံ အတိုင်း ရှဥ့်များနှင့် ငှက်များ၏ စံပျော်ရာ။ တခါတလေလည်း ရှဥ့်အော်သံလို့ ပြောရမည်လား။ တကျွတ်ကျွတ်နှင့် အသံကြားရတတ်သည်။ ငှက်ကလေးတွေ စိုးစီစိုးစီ လုပ်သည့် အသံကိုတော့ ကိုယ်မမှုပါ။ ရှဥ့်တွေကိုတော့ မမုန်းပေမယ့် မေတ္တာသိပ်မရှိ လှပါ။ အဲ…ဒေါက် ဟူသော အသံက သစ်ကိုင်း ကျိုးကျလို့ ဖြစ်နိုင်သည်။ ဒီလိုပဲ တခါတလေ ကြားရတတ်သည်မို့ ကိုယ့်အတွက် ရိုးနေပါပြီ။ ဟိုတွေးဒီတွေး လုပ်ပြီး ပြန်အိပ်ဖို့ ကြိုးစား၏။

“ဒေါက်……”

မျက်စိမှိတ်ပြီး အိပ်ပျော်သလိုလို ဖြစ်မှ အသံက ထပ်ကြားရပြန်သည်။ ကဲ…ရှိစေတော့ ဒီမနက် စောစောထဖို့ အကြောင်းက ဖန်လာပြီ။ အိပ်ရေးလည်း ၀ပြီပဲ။ တကယ်တော့ မနက်စောစော ထရသည်ကို ကိုယ်နှစ်သက်ပါသည်။ အားလုံးက တိတ်တိတ်ဆိတ်ဆိတ် ငြိမ်သက်လျက်။ စိတ်လည်း ကြည်လင်သည်။

ရေချိုးခန်းဝင် မျက်နှာသစ်ပြီး ကော်ဖီ တစ်အိုးတည်ပြီး စာရေးချင်စိတ်လေး ပေါ်လာရသည်။ ကော်ဖီကို ခပ်ကျကျနှစ်ခွက်စာမျှ ဖျော်လိုက်သည်။ ထမင်းပူပူလေးနှင့် ငါးခြောက်ဖုတ်လေး စားချင်စိတ်ပေါက်မိသည်။ ထို့ကြောင့် ထမင်းအိုးကောက်တည် လိုက်သည်။

အဆင်သင့် ဖြစ်တော့ ကော်ဖီတစ်ခွက်ကို ခုံပေါ်ချရင်း ကွန်ပျူတာကို ဖွင့်သည်။ စက်စနေတုန်းမှာ ဘာရေးရကောင်းမလဲ ကော်ဖီသောက်ရင်း စဉ်းစားသည်။ ဟိုတစ ဒီတစ အတွေးစတွေကတော့ များသား။ စာတစ်ပုဒ်ဖြစ်ဖို့တော့ အားထုတ်မှု လိုသည်။ စာရေးဖို့ စာမျက်နှာ အသစ်ကို ဖွင့်သည်။ သိပ်စဉ်းစားနေလျှင် မရေးဖြစ်ဘဲ နေတော့မည်။ မထူးပါဘူး။ သိပ်စဉ်းစား မနေနဲ့ဟု ကိုယ့်ကိုယ်ကို ပြောသည်။ ပြီးတော့ စာကြောင်းတွေကို ကောက်ရေးဖြစ်သည်။ မရေးတာကြာတော့ စာရိုက်ရတာ တမျိုးပဲဟု တွေးသည်။ သီချင်းတစ်ပုဒ် ကောက်ဖွင့်လိုက်သည်။ ရေးရတာ ပိုသွက်လာသည်။ တီထွင် ဖန်တီးတတ်သည့် ဥာဏ်တွေသုံးခွင့် မရသည့် ဘ၀မှာ ကိုယ့်ဟာကိုယ် ကြိုးစားယူမှ။

ကဲ…လာလေရော့။ ဆားချက်သည်ပဲ ဆိုဆို စာတစ်ပုဒ်တော့ ဖြစ်သွားပေပြီ။

(ဒီစာလေးရေးပြီး အရှိန်ယူပါသည်။ အသစ်တွေ ရေးပါမည်။ အားထုတ်မှုတစ်ခုနှင့် ဖန်တီးပါမည်။)