ဇာတ်ရုပ်

နေရာ။ ။ အိမ်ခန်းတစ်ခန်း

အချိန်။ ။နံနက်ရှစ်နာရီခန့်

‘တီ…တီ…တီ’

သူအိပ်ချင်မူးတူးနှင့် ဖုန်းကို ကောက်ကိုင်လိုက်သည်။ ပြန်ချမလို့ စဉ်းစားပြီးမှ ညီမလေးဆီမှ ဖုန်းဖြစ်နိုင်မှန်း တွေးမိပြန်သည်။ ထင်သည့် အတိုင်း ညီမလေးနံပါတ်။

‘အေး…အငယ်မ။ ပြော…’

‘မမ…မမ…အင့် ဟင့်…..’

ဖုန်းထဲမှ တဆင့်ငိုသံကြားရ၍ သူအိပ်ချင်စိတ် အားလုံးပြေသွားသည်။

‘အငယ်မ….မငိုနဲ့လေ။ ဘာဖြစ်လို့လဲ။ တိတ်…တိတ်…။ ဘာဖြစ်လဲ…။’

ခဏကြာငိုနေလိုက်သေး၏။ အတင်းကြီး မေးတော့မှ အိမ်လွမ်းလို့တဲ့။ အဲဒီတော့မှ သူလည်း သက်ပြင်းချနိုင်သည်။ သူတပါးနိုင်ငံကို ရောက်ကာစ၊ အိမ်မှာ ကလေးလုပ်၍ နေလာသော ညီမအငယ်ဆုံးမို့ ဒီလောက်တော့ ရှိပေမည်ပေါ့။ အတင်းချော့မော့ကာ စကားလမ်းကြောင်းလွှဲမှ အငိုတိတ်သွားတော့သည်။ နှစ်နာရီကျော်ကြာ စကားပြောပြီး နောက်မှ၊ စိတ်ချရလောက်သော အခြေအနေရှိမှ ဖုန်းချနိုင်၏။ စိတ်ညစ်လာလျှင် အချိန်မရွေး ခေါ်ဖို့ရန်လည်း မှာရသေးသည်။ ကိုယ်ရောက်စက လည်းဒီလိုပါပဲလေ။ ညီမလေးလိုတော့ စကားပြောရမည့် အဖော်မရှိခဲ့။ အိမ်ကို ဖုန်းမကြာမကြာ ဆက်ဖို့ရန်လည်း စရိတ်မတတ်နိုင်။ ကြာလာတော့လည်း နေသားကျသွားသည်ပဲလေ။ ခုတော့ နေသား အကျလွန်၍ တခါတလေ အမေကတောင် ဖုန်းဆက်ကြဲလွန်းလို့ ဆူနေသေးသည်။

ဒါပေမယ့် အခု ညီမလေးရောက်လာပြီးမှ အိမ်ကို ဖုန်းပြန်ဆက် မှန်လာရသည်။ ကိုယ့်အကြောင်း ပြောဖြစ်တာထက် ညီမအကြောင်း သတင်းပို့ရတာ များပါသည်။ အမေကတောင် ချီးကျူးနေသေးသည်။ ငါ့သမီးကြီး အစ်မကောင်း ပြီသပါပေတယ် တဲ့…။ အစ်မနေရာကတော့ သူတာဝန်ကျေကောင်း ပါသည်။

xxxx

နေရာ။ ။ရုံးခန်းကျဉ်းကျဉ်းတစ်ခန်း

အချိန်။ ။တနင်္လာနေ့

‘မင်္ဂလာ နံနက်ခင်းပါ’

‘အို ဟယ်လို။ မင်္ဂလာပါ။’

တနင်္လာနေ့။ သံသရာ တစ်ပတ်စပေဦးမည်။ ဒီနေ့မနက် ခြောက်နာရီ အိပ်ရာမှ ထလာရသော နံနက်ခင်းသည် အဘယ်ကဲ့သို့ မင်္ဂလာရှိနိုင် ပါမည်နည်း။ အကျင့်ပါနေသော ပါးစပ်က နှုတ်ခွန်းဆက် စကားထွက်ပြီးမှ မရေမရာ တွေးနေမိသေးသည်။ ဖြစ်နိုင်ရင်တော့ တနင်္လာနေ့ မနက်တွေကို မုန်းလိုက်တာဟု အော်လိုက်ချင်သည်ပေါ့။

ဆယ့်နှစ်နာရီ ထိုးတော့ လုပ်ဖော်ကိုင်ဖက်များက နေ့လယ်စာ အတူလိုက်စားရန် ခေါ်နေသေးသည်။ အပြုံးတ၀က်နှင့်သာ ငြင်းလိုက်ရတော့မည်။ သူတို့နှင့်သာ နေ့တိုင်း အပြင်ထွက်စား ရလျှင် ရသည့်လခလေး ကုန်ရချည်ရဲ့။ တော်တော်လည်း သုံးနိုင်ကြတဲ့ လူတွေဟု စဉ်းစားရင်း အိမ်ကသုတ်သီးသုတ်ပြာ ပြင်လာသော ထမင်းဘူးကို ဖွင့်သည်။ ထမင်းဘူးထဲမှာ အမေပို့ပေးသော ငါးပိကြော်နှင့် သူကိုယ်တိုင် ကြော်လာသော ကြက်ဥကြော် တစ်လုံး။ ဘေးဘီကို ကြည့်ပြီးနောက် ဘယ်သူမှ မရှိမှန်း သေချာသည့် အခါ ထမင်းဘူးကို မိုက်ကရိုဝေ့ဖ်ထဲ ထည့်နွှေးလိုက်သည်။ ငါးပိကြော်က အနံ့သင်း၍ လာသည်ကို ရှူရှိုက်ရင်း ဘယ်သူ့ကိုမျှ ဂရုမစိုက်တော့။ မနက်စာ လွတ်ခဲ့သော ဗိုက်က ဆာလှပြီ။

အချိန်ကို စောင့်လျှင်ကုန်ခဲလှသည်။ ကျောင်းမှာ သင်ခဲ့သော စကားပုံတချို့ ကိုတောင် ပြန်သတိရ ချင်လာသည်။ ဘာတဲ့…. ထမင်းကို စောင့်က အကျက်နှေး၊ ရေကို စောင့်က အတက်နှေး တဲ့…။ အခုလည်း ငါးနာရီကိုစောင့်က နာရီနှေး။

တစ်ခါကြည့် ငါးမိနစ်နှင့် နောက်ဆုံးတော့လည်း ငါးနာရီထိုးသွား ခဲ့ပြီ။ နေ့လည်စာစားချိန်မှ ငါးနာရီခန့်လွန်ခဲ့ ပြီမို့ ဗိုက်လည်း ဆာလှပြီ။ လေးနာရီခွဲ ကတည်းက ပြန်သည့်လူများ ပြန်သွားကြပြီမို့ အလုပ်ခန်းက ရှင်းစပြုနေပြီ။

‘သြော်…ဒါနဲ့ မင်းကို အကောင်းဆုံး လုပ်သားဆုပေးဖို့ ငါရွေးချယ်ပေးထားတယ်။’

ကြီးကြပ်သူက ပြောလာတော့ သူစိတ်ထဲမှာ ချက်ချင်းတွေး မိသည်။ ဆုငွေဘယ်လောက် ပေးမှာလဲ မသိဘူး ဟူ၍…။ ဒါပေမယ့်လည်း ပါးစပ်ကတော့ ကျေးဇူးတင် ပါတယ်။ အားလုံးရဲ့ ကူညီမှုကြောင့် ဒီလိုလုပ်နိုင် တာပါပေါ့။ အင်း….ဆုငွေလေး လောက်လောက်လားလား ပေးရင် ဒီလအတွက် ငွေပိုလေး စုနိုင်ကောင်း ပါရဲ့။

ဒီလိုဆိုတော့လည်း သူဟာ အလုပ်သမားကောင်း တစ်ယောက်အဖြစ် အများအမြင်မှာ ရှိနေသည်ပေါ့။ အချိန်မှန်၊ တာဝန်သိ၊ ရိုးသားတဲ့ အလုပ်သမားလေး တစ်ယောက်ပေါ့။ သူ တိတ်တိတ်ပြုံးလိုက်သည်။

xxx

နေရာ။ ။ရထားတွဲ

အချိန်။ ။ငါးနာရီ ငါးဆယ့်ငါး မိနစ်

ရထားပေါ် ရောက်တော့ ညနေခြောက်နာရီထိုး တော့မည်။ နေ့တစ်နေ့၏ နိဂုံးအဆုံးသတ်ချိန်ကို သူအမျှော်လင့်ဆုံး။ ပစ္စည်းအားလုံးကို မငြီးမငြူ သယ်ဆောင်ပေးသော သူ၏အိတ်ကို ဖွင့်လိုက်သည်။ အိတ်အပေါ်ဆုံးမှာ ကုန်နေပြီဖြစ်သော ထမင်းဘူး။ ပြီးတော့ စာအုပ်များ။ စာအုပ်များ၏ အောက်မှာမှ သူရှာနေသော ခရီးဆောင် သီချင်းစက်နဲ့ နားကျပ်။ ဘယ်ညာ မမှားအောင် ကြည့်၍ နားကျပ်ကို တပ်လိုက်သည်။ ခပ်ပြင်းပြင်း သီချင်းတစ်ပုဒ်ကို ဖွင့်လိုက်တော့ သူဘာလဲဆိုတာ ခဏမေ့သွားသည်။ ဒီအချိန် တဒင်္ဂမှာ သူဘာမှ ဖြစ်စရာ မလိုပါ။

ရထားဆိုက်တော့ လမ်းမီးများ ထွန်းစပြုပြီ။ နေ၀င်သွားသည်ကို သူမမီလိုက်ပါ။ သီချင်းတစ်ပုဒ်ပြီး တစ်ပုဒ်ညီးဆိုရင်း ရောက်တတ်ရာရာ စဉ်းစားရင်း လျှောက်နေကျလမ်း အတိုင်းလျှောက်ခဲ့သည်။ မနေ့က အတန်းအကြောင်း သတိရသည်။ သူမသင်ချင်သော စာတချို့ကို ကြိုးစားပမ်းစား အားသွန်ခွန်စိုက် အင်တိုက်အားတိုက် ကျက်မှတ်လေ့လာ ဆည်းပူး ပြီးနောက် အတန်းထဲတွင် သူအမှတ်အများဆုံး ရခဲ့သည်။ ကိုယ့်ကိုယ်ကို အထင်ကြီးချင် သလို။ ဟုတ်သည်လေ…။ ကိုယ်မကြိုက်သော အရာတစ်ခုမှာ တော်အောင် ကြိုးစားရတာ လွယ်တာမှတ်လို့။

တိုက်ခန်းတံခါးဝကို လှမ်းမြင်ရတော့ ဘေးအိတ်ထဲမှ သော့ကို စမ်းမိသည်။ သူအမျှော်လင့်ဆုံး အချိန်ကို ရောက်တော့မည်။

Xxx

နေရာ။ ။တိုက်ခန်းတစ်ခန်း

အချိန်။ ။ခုနစ်နာရီ ဆယ်မိနစ်

ထမင်းအိုးထဲမှာ ထမင်းရှိနေသည်။ သူပျော်သွားသည်။ ဒါဆို ထမင်းချက် စရာမလိုတော့။ တနေ့ညက ၀ယ်ထားသော ခပ်ပေါပေါ တရုတ်ဟင်း တစ်ခွက်ကို မိုက်ကရိုဝေ့ဖ်ထဲမှာ နွှေးပြီးနောက် ညနေစာတစ်ခွက် ရပြီ။

ထမင်းစားပွဲပေါ်မှာ အသင့်နေရာယူ ထားပြီးသော ခရီးဆောင် ကွန်ပျူတာကို ဖွင့်သည်။ Microsoft Word ကိုဖွင့်သည်။ ဗမာစာရိုက်ရန် Font တစ်ခုကို ရွေးပြီးနောက် သူထမင်းသာ ဆက်စားဖြစ်သည်။ ဖန်သားပြင် ဖြူဖြူကို ကြည့်ရင်းသာ ထမင်းဝါးနေမိ၏။ သူဆုပ်ကိုင် ခြယ်လှယ်နိုင်သော အချိန်ကို ရောက်ပြီ။ သူ့ဇာတ်လမ်းကို သူရေးနိုင်သည်။ သူလိုချင်သည်ကို ဖန်တီးနိုင်သည်။ သူဖြစ်စေချင် အတိုင်းဖြစ်လို့ ရမည်။ ပုံသွင်းထားသော ဇာတ်ကွက်တစ်ခု မဟုတ်။ နေရာ ချထားပြီးသော အစီအစဉ် တစ်ခုမဟုတ်။ မလုပ်ချင်သော အပိုင်းကို လုပ်စရာ မလို။ မသိချင်သော အရာကို မှတ်စရာ မလို။ ဒီအချိန်မှာ သူသည် ဇာတ်ရုပ်တစ်ရုပ် မဟုတ်။

ဒါပေမယ့်………..။ ဒီဇာတ်ကို သူနိုင်မှာလား။ ဒီကကွက်ကို သူမသိ။ အချိန်အတန်ကြာ သူဘာမှ မရေးမိ။ ပြင်ပကမ္ဘာကို သူရောက်နေတာလား။ သူ…………..အဆုံးကို မရေးမိတော့…။