Monday 9 November 2009

ရုပ်တုရုပ်မှန် (၃)

၁၉၉၆

လူအုပ်ကြီးရဲ့ အလယ်မှာ ခိုင်သေးငယ်သလို ခံစားရသည်။ ရန်ကုန်မြို့ကြီးက ကျယ်ပြောလှသည်။ ရန်ကုန်မြို့ကြီးနှင့် စာတော့ ခိုင်က မပြောပလောက်သည့် လူတစ်ယောက်။ ဆေး(၂)မှာ တက်ဖို့ ခိုင် ရန်ကုန် ရောက်ခဲ့ရပြီ။ မြို့လေးမှ ခိုင်သည် မရှိတော့။ ရန်ကုန်ရောက် ခိုင်သည် အရဲစွန့်ကာ တောင်ကြီးသူ၊ မော်လမြိုင်သူလေးများနှင့် မိတ်ဖွဲ့သည်။ အထပ်ထပ်များ ပါသော အင်္ကျီကို မ၀တ်ဖြစ်သော်လည်း အရောင်လွင်လွင်နှင့် အပေါ်အောက် ဆင်တူလေးများ ၀တ်သည်။ မိတ်ကပ်ကို ခပ်ပါးပါးလိမ်းသည်။ နှုတ်ခမ်းနီ အရောင် ဖျော့ဖျော့ဆိုးသည်။ ဒီတော့လည်း ဘယ်သူမှ ခိုင့်ကို ၀ိုင်းမကြည့်ကြ။ ဘယ်လိုဖြစ်လာတာလဲဟု မေးမည့်သူ မရှိ။ ခိုင့်ပတ်ဝန်းကျင် အသစ်တွင် သတ်မှတ်ထားပြီးသား ခိုင်ဆိုတာ မရှိ။ ခိုင့် အတွက် ဒီပတ်ဝန်းကျင်က ဆန်းသစ်လှသည်။

တောင်ကြီးသူလေးက ချို၊ မော်လမြိုင် သူလေးက မော် ဟုသိရသည်။ ပြီးတော့ ခိုင့်အဆောင်နေ အခန်းဖော် နွယ်လည်း ပါလာသည်။ သူကတော့ ပုသိမ်ကဟု ဆိုသည်။ ခိုင်တို့ အဖွဲ့ဖွဲ့ကာ ရန်ကုန်မြို့ကြီးကို စူးစမ်းကြသည်။ ဒီလိုဆိုတော့လည်း ခိုင် ပြောင်းလဲဖို့ အားရှိလာသည်။ အရင်က စကားမပွင့်တပွင့် ပြောသော ခိုင်တစ်ယောက် စကားပြောလို့ မပြီး ဖြစ်နေသည်။ ရုပ်တည်ကြီးနှင့် နေခဲ့သော ခိုင် ခုတော့လည်း ရယ်ကာမောကာ နောက်ပြောင် တတ်လာပြီ။ အတန်းထဲမှာ အမြဲ ဗိုလ်စွဲခဲ့သော ခိုင် အခုတော့လည်း အများထဲက တစ်ယောက် ဖြစ်လာ၏။ အဲဒါကိုပဲ ခိုင်ပျော်သလိုလို။ ပုံစံခွက်ကလေး ကွဲသွားခဲ့ပြီ။ ကွဲသွားမှတော့ ပြန်ဆက်လဲ အရင်အတိုင်း မဖြစ်တော့ပြီ။

ကျောင်းပိတ်ရက်မှာ ချိုတို့နှင့် အတူ မြို့ထဲထွက်ကာ လည်ကြသည်။ လမ်းဘေးဆိုင်မှာ မုန့်ဝင်စားသည်။ အင်းလျားကန်ဘောင်လည်း ရောက်ဖူးချင်သည်ဟု တစ်ယောက်က အဆိုပြုလျှင် ကျန်လူများက မဆိုင်းမတွ ထောက်ခံကာ ဘူးသီးကြော် စားဖို့ စိုင်းပြင်းနေကြ၏။ ဗိုလ်ချုပ်ဈေးထဲမှာလည်း ခိုင် အထည်စ ရွေးတတ်လာသည်။ ဒီအရောင်နှင့် ဟိုအရောင်၊ ဒီအပွင့်နှင့် ဟိုအခက် လိုက်သည် မလိုက်ဘူးဟု နွယ်က ဆိုလျှင် ခိုင်လည်း လိုက်လံ သင်ယူရ၏။ နွယ်က အရောင် သိပ်ရွေးတတ်တာပဲဟုလည်း ချီးကျူး နေမိပြန်သည်။ ချိုက သီချင်းခွေတွေယူလာကာ သီချင်းနားထောင်ကြတော့ သီချင်းအကြောင်းတွေ ပြောဖြစ်ကြပြန်သည်။ မော်ကြိုက်တတ်သော ၀တ္ထုများကိုလည်း လိုက်ဖတ်ဖြစ်သေးသည်။ မော်က ခိုင်နှင့်တူကာ စိတ်ကူးယဉ် ခံစားတတ်သည့် ၀တ္ထုများကို ကြိုက်သည်။ ထူးဆန်းစွာပဲ တချိန်ထဲမှာ လက်တွေ့ဆန်သော၊ သရုပ်ဖော်ဆန်သော ၀တ္ထုတွေကိုလည်း ဖတ်ပြန်သေးသည်။ ခုတော့ ခိုင်လည်း မြသန်းတင့် စာအုပ်များကို ဖတ်ဖူးခဲ့ပြီ။ ကိုအောင့်ကိုပင် သတိရနေမိသေးသည်။ စာမေးပွဲ နီးတော့လည်း အားလုံးအခန်းအောင်းကာ ဇောချွေးပြန်ပြီး စာကျက်ကြပြန်သည်။ ကျောင်းစာတွေက စိတ်ဝင်စားစရာ ကောင်းသည်ထက် ပတ်ဝန်းကျင်အသစ်က ခိုင့်အတွက် သင်ယူစရာတွေချည်း ဖြစ်နေသည်။ ကျောင်းတွေ ပိတ်လိုက် ဖွင့်လိုက်၊ ဒီလိုနှင့် တစ်နှစ်ကုန်ဆုံးသွားခဲ့သည်။

ကျောင်းပိတ်ရက် အိမ်ပြန်တော့ ခိုင် ပြောင်းလဲသွားသည်ဟု ဆိုကြသည်။ လှလာသည်ဟုလည်း ဆိုကြသည်။ တက္ကသိုလ်ကျောင်းသူကြီး ဖြစ်ပြီမို့ အပြောင်းအလဲကို မျှော်လင့် ထားကြသည်လား မဆိုနိုင်။ ပတ်ဝန်းကျင်ကို အရင်ကလောက် ခိုင် ဂရုမစိုက်တတ်တော့ပြီ။

(ဆက်ရန်)

10 comments:

ပန်းခရမ်းပြာ said...

မင်းသားလည်း ပေါ်မလာသေးပါလား။
ခိုင်နဲ့ ကိုအောင် .. ရန်ကုန်မှာ တွေ့ကြမယ်ထင်တယ်။
ဆက်ဖတ်ချင်သေးတယ် ပုံရိပ်ရေ။ မြန်မြန်လေး

ခင်မင်းဇော် said...

မြန်မြန်တင်လို့တော့ မပြောရက်ဘူး....ဖတ်ရင်းစောင့်နေတယ် ..

Moe Cho Thinn said...

ကိုယ့်ကိုယ်ကို ထိန်းနိုင်တယ်လို့ ယုံကြည်ပြီး ကိုယ့်သဘော ဆန္ဒကို ဖော်ပြရဲ၊ လုပ်ရဲလာတဲ့ အရွယ်ရောက်သူတွေရဲ့ လောင်းရိပ်အောက်က လွတ်ချင်တဲ့ သဘောတွေပေါ့။ ဖတ်လို့ကောင်းတယ် ညီမလေးရေ..။
အေးအေးဆေးဆေးရေးပါလေ။ စောင့်ဖတ်မှာပေါ့။

nu-san said...

ခိုင်က တက္ကသိုလ်ရောက်တော့ ပြောင်းလဲလာပြီဆိုတော့ကာ ရှေ့ကို ဘာဆက်ဖြစ်မလဲ မသိဘူးနော်.. ပုံရိပ်.. =)
စိတ်ဝင်စားဖို့ကောင်းတယ်.. :)

tg.nwai said...

ပုံရိပ်ရေ..အခုမှ ရောက်လာဖြစ်လို့ အစကနေ ဖတ်သွားပါတယ်..ခိုင့်ကို ပုံဖော်သွားတာ သဘောကျတယ်..အများဖြစ်စေချင်တဲ့ ခိုင်က တက္ကသိုလ်ရောက်တော့ ကိုယ်ပိုင်ယုံကြည်ချက်တွေနဲ့ ခိုင်ဖြစ်လာမယ်ထင်တယ်...

ဖတ်လို့ကောင်းတယ် ပုံရိပ်ရေ...စောင့်ဖတ်နေမယ်နော်...

~ဏီလင်းညို~ said...

လုပ်ပြန်ဘီဗျာ....
အလုပ်မအားလို့ အခုမှပြေးလာတာ... ဆက်ရန်နဲ့ တိုးပြန်ပါပြီ...။
(လည်ပင်း ညောင်ရေအိုးဖြစ်အောင် စောင့်မျှော်နေပါကြောင်း...။)

ပုံရိပ် / Pon Yate said...

မချို မင်းသားအခန်းက သိပ်မပါဘူး :D မမြန်နိုင်သေးဘူး ဖြစ်နေတယ်။ ခွင့်လွှတ်နော်။
မခင်မင်းဇော် မချိုသင်း ကျေးဇူးပါ။ စောင့်ဖတ်တာ ကျေးဇူး။
မနုစံ ရှေ့ကို ဆက်ဖြစ်ဖို့ ပုံရိပ်လည်း စဉ်းစားနေဆဲ။
မသိင်္ဂီ ပြောင်းလဲလာတတ်တဲ့ လူတွေအကြောင်း ကြိုးစားပြီး ရေးကြည့်တာ။
ကိုဏီလင်းညို ညောင်ရေအိုးဆို တော်သေးတာပေါ့။ သစ်ကုလားအုပ် မဖြစ်သေးဘူး :D။

တကယ့်ကို မအားလို့ တထိုင်တည်း မရေးနိုင်တာပါ။ စောင့်ပြီး စိတ်ရှည်လက်ရှည် ဖတ်ကြတာ ကျေးဇူး။ ဒီလိုနဲ့ပဲ ပုံရိပ် ဘလောက် အသက်ရှည်နေတာပါ။

တန်ခူး said...

ခိုင့်ပုံစံခွက်လေး ကွဲသွားပြီနော်… လူငယ်တယောက်ရဲ့ လွတ်လပ်ပျော်ရွှင်ခြင်း အရသာကို ခိုင်ခံစားတတ်လာတာ ၀မ်းသာမိတယ် ပုံရိပ်ရေ…

ချစ်ကြည်အေး said...

လာဖတ်သွားတယ် ညီမပုံရိပ်...ဇာတ်သိမ်းလေးမျှော်နေမယ်နော်

မီယာ said...

ဝတ္ထု မဖတ်ရတာ ကြာပြီလို့ တွေးနေတာ... ဆက်ရန်ကို မျှော်နေပါသည်