Sunday 12 June 2011

နေ့ခင်း အိပ်မက်

လမ်းကလေးတခု။ သစ်ပင်အို တစ်ပင်။ နွေနေ့လယ်တစ်ခုလို ပူပြင်းသော နေ့တစ်နေ့။ မြင်ကွင်းဟာ ရုပ်ရှင်ပိတ်ကားဟောင်း တစ်ခုလိုပါပဲ။ စာမျက်နှာ ၁၅ သီချင်းထဲကလိုလို့ ဆိုရမလား။ ဖြည်းဖြည်းလျှောက်လာတဲ့ သူ့ရဲ့ပုံရိပ်ဟာ ကျွန်မနဲ့ နီးနီးလာပေမယ့် ကျွန်မရဲ့ အမြင်ထဲမှာတော့ ဝေးဝေးသွားသလိုပဲ။ တကယ်တော့ ကျွန်မရပ်နေတဲ့ ဖက်ကို လျှောက်လာတာ သူမှ မဟုတ်ဘဲလေ။ သူနဲ့ တော်တော်လေးဆင်တဲ့ သူတစ်ယောက်…။

သူ့လိုပဲ လမ်းလျှောက်ရင် ခြေလှမ်းကျဲကျဲနဲ့ အေးအေးဆေးဆေး လျှောက်လာတယ်။ သူဝတ်နေကျ ပုံစံအတိုင်းပဲ မိုးပြာရောင် ဂျင်းဘောင်းဘီကို ၀တ်ထားတယ်။ အဖြူရောင် တီရှပ်ကြောင့် ပိုပြီး တူသွားစေတယ်။ လေတချက် အဝေ့မှာ လွင့်သွားတဲ့ ဆံပင်တွေကလည်း သူ့ဆံပင်တွေလိုပဲ ဖြောင့်ပြီး စင်းနေတယ်။ ကျွန်မအမှတ်တမဲ့ ငေးကြည့်နေမိတယ်။ ဒါပေမယ့် သူမဟုတ်ဘူး ဆိုတာကို ကျွန်မသိနေတယ်။ ဘာကြောင့်လဲ ဆိုတော့ အချိန်ရော နေရာပါ မှားယွင်းနေလို့ပဲ။ ကျွန်မဟာ လွန်ခဲ့တဲ့ ဆယ်နှစ်ကျော်ကျော် လောက်က မြီးကောင်ပေါက် ဆယ်ကျော်သက်လေး မဟုတ်တော့ဘူးလေ။

xxx

သူနဲ့ ကျွန်မစတွေ့တာ လွန်ခဲ့တဲ့ ဆယ်နှစ်လောက်ကပေါ့။ ကျွန်မအသက် ဆယ်ကျော်သက် အရွယ်ပဲ ရှိပါသေးတယ်။ ကျွန်မတို့ ရပ်ကွက်က တိတ်ဆိတ်တယ်။ လူဝင်လူထွက် သိပ်မများလှဘူး။ နောက်တော့ ကျွန်မတို့ လမ်းထိပ်မှာ စာအုပ်ဆိုင်လေး တစ်ဆိုင် ဖွင့်လာတယ်။ ကျွန်မရဲ့ အတန်းဖော်သူငယ်ချင်း ၀ါလေးတို့ မိသားစုက ဖွင့်ထားတဲ့ ဆိုင်လေးပေါ့။ ကိုးတန်းနှစ် စာမေးပွဲ ဖြေအပြီး နွေရာသီကျောင်းပိတ်ရက်လို့ ထင်တယ်။ စာအုပ်ဆိုင်မှာ စာအုပ်ငှားပြီး ပြန်လာတဲ့ တနေ့မှာ သူ့ကို သတိထားမိပါတယ်။

မှတ်မှတ်ရရ အဲဒီနေ့က ဂျူးရဲ့ ကြာတော့သည်လည်း မောင့်စကား စာအုပ်ကို ငှားလာဖြစ်တယ်။ စာအုပ်ကို ဖတ်ချင်ဇောနဲ့ ဟိုလှန်ဒီလှန် လုပ်ရင်း ဘေးဘီကို ကောင်းကောင်းမကြည့်ဘဲ လမ်းလျှောက်လာတော့ ကျွန်မကို တစ်ယောက်ယောက်က ကြည့်နေသလို ခံစားရတယ်။ ဟိုဟိုဒီဒီ လိုက်ကြည့် ကြည့်တော့ စာအုပ်ဆိုင်နဲ့ မလှမ်းမကမ်းက အုတ်ခုံမှာ ထိုင်နေတဲ့၊ ကျွန်မကို ငေးကြည့်နေတဲ့ သူ့ကို တွေ့ရတယ်။ တီရှပ်အဖြူနဲ့ ဂျင်းဘောင်းဘီ ခပ်နွမ်းနွမ်းကို ၀တ်ထားတယ်။ အစိမ်းရောင် ထင်တာပဲ…စက်ဘီးလေးတစ်စင်းကို ဘေးမှာ တွေ့ရတယ်။ ကျွန်မလှည့် အကြည့် ရိပ်ကနဲ ပြုံးပြတယ်။ ကျွန်မလည်း ရှက်ရှက်နဲ့ ခပ်သုတ်သုတ် ဆက်လျှောက်ခဲ့တယ်။

နောက်ရက်တွေမှာ သူ့ကို မကြာခဏတွေ့ရတယ်။ သူက ကျွန်မတို့ ရပ်ကွက်ထဲက ဟုတ်ဟန် မတူဘူး။ တစ်ခါနှစ်ခါတော့ ၀ါလေးရဲ့ အစ်ကိုနဲ့ စကားပြောနေတာ တွေ့ဖူးတယ်။ ကျွန်မထက် အသက်ကြီးပုံလည်း ရတယ်။ လူပုံက အရပ်ရှည်ရှည် သာမန်ပါပဲ။ ရုပ်အချောကြီး မဟုတ်သလို၊ အဆိုးကြီးလည်း မဟုတ်ဘူး။ အမြဲတမ်းလိုလို တီရှပ်အဖြူနဲ့ ဂျင်းဘောင်းဘီ၊ ညှပ်ဖိနပ်ကို စီးတတ်တယ်။ ထူးခြားတာကတော့ ပုခုံးလောက်ရှိတဲ့ ဆံပင်တွေနဲ့။ သူ့ဆံပင်က မိန်းကလေးတစ်ယောက်ရဲ့ ဆံပင်ထက်တောင် ဖြောင့်ပြီးစင်းနေသေးတယ်။ သူ့ကိုထူးထူးခြားခြား သတိထားမိတာ အဲဒီ ဆံပင်တွေကြောင့်လို့ ပြောလို့ရပါတယ်။ တခါတလေလည်း စက်ဘီးတစ်စင်းနဲ့ တွေ့ရတယ်။

ကျွန်မနဲ့ တခါတခါ လမ်းမှာ ဆုံရင် လိုက်ကြည့်တတ်တာက လွဲလို့ အနှောင့်အယှက် မပေးပါဘူး။ တခါတလေလည်း ဂီတာတစ်လက်နဲ့ သီချင်းဆိုရင်ဆို၊ မဆိုရင်လည်း သူ့သူငယ်ချင်း ဖြစ်ဟန်တူတဲ့ ကျွန်မတို့ ရပ်ကွက်ထဲက ကောင်လေး လေးငါးယောက်နဲ့ စကားပြောနေတတ်တယ်။ သူ့နာမည် ဘယ်သူလဲ ဆိုတာ ကျွန်မမသိဘူး။ သူ ဘာလုပ်လဲဆိုတာ ကျွန်မ မသိဘူး။ သူ ဘယ်ကလဲ ဆိုတာလည်း ကျွန်မ မသိဘူး။ ဒါပေမယ့် ကျွန်မ ၀န်ခံပါတယ်။ စာအုပ်ဆိုင် သွားတဲ့ အချိန် သူ့ကို တွေ့နေကျ နေရာမှာ မတွေ့ရင် အမှတ်တမဲ့ လိုက်ရှာမိပါတယ်။ သူကလည်း ကျွန်မကို မကြာခဏ ပြုံးပြတတ်တယ်။ ဒီလိုနဲ့ ကျွန်မတို့ နှစ်နှစ်ကြာလောက် မျက်မှန်းတမ်းမိကြတယ်။ ကျွန်မတို့ရဲ့ ဆက်စပ်မှုက ဒီလောက်ပါပဲ။ Rock သီချင်းတွေကို ကြိုက်တဲ့ ကျွန်မဟာ အဲဒီ အချိန်တုန်းက Gun N Roses အဖွဲ့ထဲက Axl Rose ရဲ့ ဆံပင်ရှည်တွေကို ကြိုက်နေတဲ့ အချိန်ပေါ့။

xxx

ဒီလိုနဲ့ ကျွန်မတက္ကသိုလ် တက်ဖို့ မြို့ကြီးကို ရောက်ခဲ့တယ်။ ကျွန်မတို့ မြို့သေးလေးကနေ ထွက်ခဲ့တယ်။ စာအုပ်ဆိုင်လေးနဲ့လဲ ဝေးခဲ့ပါတယ်။ သူ့အကြောင်းကို တခါတလေ တွေးမိပေမယ့် ပတ်ဝန်းကျင် အသစ်၊ သူငယ်ချင်းအသစ်တွေနဲ့မို့ မေ့မေ့ပျောက်ပျောက်ပါပဲ။ ကျွန်မလည်း အထက်တန်းကျောင်းသူလေး တစ်ယောက် အဖြစ်ထက်တော့ ကြီးပြင်းခဲ့ပါပြီ။ စာတွေကြားထဲ၊ လူကြီးတစ်ယောက်ရဲ့ ဘ၀ထဲမှာ အသစ်အသစ်တွေကို လက်ခံသင်ယူရင်း မအားရအောင် ဖြစ်နေခဲ့တယ်။

ကျောင်းပိတ်တဲ့ နွေရာသီတစ်ခုမှာတော့ အိမ်ပြန်ဖြစ်တယ်။ စိတ်အားလူအား ရှိလာတဲ့ အချိန်မို့ စာအုပ်ဆိုင်လေးနဲ့ အတူသူ့ကို အမှတ်ရမိသား။ စာအုပ်ဆိုင်လေးကို ရောက်ဖြစ်တဲ့နေ့မှာ သူ့ကိုလည်း တွေ့နေကျ နေရာမှာ အံ့သြဖွယ်ရာပဲ ပြန်တွေ့ရပါတယ်။ အသိဟောင်းတစ်ယောက်ကို တွေ့ရသလို၊ မေ့နေခဲ့တဲ့ ငယ်ငယ်တုန်းက အရုပ်လေးကို ပြန်တွေ့ရသလို ကျွန်မ လှစ်ကနဲ ၀မ်းသာသွားမိတယ်။ သူ့ပုံစံက အရင်တုန်းက အတိုင်းပဲ။ ဆံပင်ရှည်လည်း ထားတုန်းပဲ။ နည်းနည်းရင့်ကျက်လာတဲ့ မျက်နှာကလွဲလို့ ဘာမှ အပြောင်းအလဲ မရှိဘူး။ ကျွန်မကို တွေ့တဲ့ မျက်လုံးတွေမှာ အံ့သြမှုကို တွေ့ရတယ်။ ပြီးတော့ ပြုံးနေကျ အပြုံးကို ပြုံးပြတယ်။ ကျွန်မကလည်း ပြန်ပြုံးပြမိတယ် ထင်တယ်။

အိမ်မှာ နေတဲ့ ကျောင်းပိတ်ရက်တွေမှာ စာအုပ်ဆိုင်ကို မကြာခဏ ရောက်ဖြစ်ပါတယ်။ သူ့ကိုလည်း ခဏခဏတွေ့ဖြစ်ပါတယ်။ သူဘယ်သူလဲ ဆိုတာကိုတော့ တခါတလေ သိချင်သလို ဖြစ်မိပါတယ်။ ဒါပေမယ့် ကျွန်မတို့ တခါမှ စကားမပြောဖြစ်ကြပါဘူး။ ကျောင်းဖွင့်တဲ့ အချိန်မှာ ကျွန်မ အဆောင်ကို ပြန်ရောက်ခဲ့တယ်။ ကျွန်မတို့ မြို့လေးနဲ့ ဝေးခဲ့တယ်။ Axl Rose ကိုတော့ ကြိုက်နေတုန်းပဲ…။

နောက်ထပ် သုံးလေးနှစ်အတွင်းမှာ ကျွန်မရဲ့ မိသားစုတွေလဲ မြို့ကြီးကို ပြောင်းလာခဲ့ကြတယ်။ အဲဒီနောက်ပိုင်းမှာ ကျွန်မဘွဲ့ရခဲ့တယ်။ အလုပ်ရတယ်။ အဖြစ်အပျက်တွေ အများကြီးကို ရုပ်ရှင်တွေထဲမှာ ရှေ့အမြန်ရစ်သလို ရစ်လိုက်ရရင်တော့ ကျွန်မလူကြီး တစ်ယောက် ဖြစ်ခဲ့ပါပြီ။ အရင်ကပတ်ဝန်းကျင်နဲ့ အခု ကျွန်မကျင်လည် ရတဲ့ ပတ်ဝန်းကျင်ဟာ အကန့် တစ်ခုစီလို ခြားနားနေခဲ့ပါတယ်။ မြို့လေးကို ပြန်ဖို့လဲ ခိုင်လုံတဲ့ အကြောင်း မရှိတော့ပါဘူး။ ဆယ်ကျော်သက် အရွယ်တုန်းက အဖြစ်အပျက်တွေဟာ မှုန်ဝါးဝါး မေ့မေ့ပျောက်ပျောက် ပါပဲ။ အကြောင်းတိုက်ဆိုင်ရင်တော့ ဆံပင်ရှည်တွေနဲ့ သူ့အကြောင်း အမှတ်တမဲ့ တွေးမိပါတယ်။

နှစ်တွေကြာခဲ့ပါပြီ။ ဘွဲ့ရပြီးတဲ့ တစ်နေ့မှာတော့ အကြောင်းတခုကြောင့် ကျွန်မတို့ရဲ့မြို့လေးကို ပြန်ရောက်ခဲ့ပါတယ်။ မြို့မှာရှိနေသေးတဲ့ သူငယ်ချင်းတွေကို ပြန်တွေ့ရပါတယ်။ စာအုပ်ဆိုင်လေးကိုလဲ ပြန်ရောက်ခဲ့တယ်။ ၀ါလေးကိုလည်း ပြန်တွေ့ပါတယ်။ ၀ါလေးက အဝေးသင်ပဲ တက်ဖို့ ဆုံးဖြတ်လိုက်လို့ မြို့လေးမှာ နေနေဆဲပဲ။ သူထိုင်နေကျ အုတ်ခုံလေးဆီကို လှမ်းမျှော်ကြည့်ဖို့လည်း ကျွန်မ မပျက်ကွက်ခဲ့ပါဘူး။ သူကိုတော့ မတွေ့ရတော့ပါဘူး။ အဲဒီနေ့က ထူးခြားစွာ ကျွန်မစိတ်ထဲ သိချင်လာတာနဲ့ ၀ါလေးကို စကားစဖြစ်ပါတယ်။

“ဒါနဲ့ နင်တို့ဆိုင်မှာ တွေ့နေကျ စက်ဘီးနဲ့ ဆံပင်ရှည်ရှည်နဲ့ အစ်ကိုကြီးက နင့်အစ်ကိုဝမ်းကွဲလား။”

“ဟင်…ဆံပင် အရှည်နဲ့ ဟုတ်လား။ ကြံကြံဖန်ဖန်…တခါမှ ငါမမြင်ဖူးပါဘူး။ ငါဒီဆိုင်မှာ ကျောင်းပိတ်ရက်တိုင်း ထိုင်နေကြပါ။ ငါ့အစ်ကို သူငယ်ချင်းတွေထဲမှာလဲ အဲဒီပုံစံနဲ့လူ မရှိပါဘူး။ ဘာဖြစ်လို့လဲ။”

“ဘာမှ မဖြစ်ပါဘူးဟာ။ စပ်စုကြည့်တာပါ။ နင့်အစ်ကို ကိုလည်း ပြန်မေးမနေနဲ့ဦး။”

ကျွန်မက ရယ်ကျဲကျဲလုပ်ပြီး သူ့ကို နှုတ်ပိတ်တော့ ၀ါလေးက သိပါတယ် ဟဲ့…ဆိုပြီး ရယ်နေတယ်။ ပြီးတော့ ကျွန်မတို့ ဟိုအကြောင်းဒီအကြောင်း ပြောရင်းနဲ့ စကားစပြတ်သွားကြတယ်။ ကျွန်မတစ်ယောက်တည်းသူ့ကို တွေ့ဖူးတာလားလို့ ဇဝေဇ၀ါ စဉ်းစားနေဖြစ်တယ်။ ဘာပဲဖြစ်ဖြစ် သူဟာ ကျွန်မစိတ်ထဲက ပုံရိပ်တစ်ခုမျှပါပဲလေ…။

Axl Rose ရဲ့ သီချင်းတွေကို တခါတလေ သတိရရင် နားထောင်မြဲ ဖြစ်ပေမယ့် သူ့ရဲ့ MTV တွေကိုတော့ မကြည့်ဖြစ်တော့ပါဘူး။

xxx

လမ်းကလေးတခု။ သစ်ပင်အို တစ်ပင်။ နွေနေ့လယ်တစ်ခုလို ပူပြင်းသော နေ့တစ်နေ့။ သူနဲ့ တော်တော်လေးဆင်တဲ့ သူတစ်ယောက်။ သူ့လိုပဲ လမ်းလျှောက်ရင် ခြေလှမ်းကျဲကျဲနဲ့ အေးအေးဆေးဆေး လျှောက်လာတယ်။ သူဝတ်နေကျ ပုံစံအတိုင်းပဲ မိုးပြာရောင် ဂျင်းဘောင်းဘီကို ၀တ်ထားတယ်။ အဖြူရောင် တီရှပ်ကြောင့် ပိုပြီး တူသွားစေတယ်။ လေတချက် အဝေ့မှာ လွင့်သွားတဲ့ ဆံပင်တွေကလည်း သူ့ဆံပင်တွေလိုပဲ ဖြောင့်ပြီး စင်းနေတယ်။ အဲဒီလူ ကျွန်မရပ်နေတဲ့ နေရာကို ဖြတ်ကျော်သွားတယ်။

ကျွန်မအမှတ်တမဲ ငေးကြည့်နေမိတယ်။ ဒါပေမယ့် သူမဟုတ်ဘူး ဆိုတာကို ကျွန်မသိနေတယ်။ ဘာကြောင့်လဲ ဆိုတော့ အချိန်ရော နေရာပါ မှားယွင်းနေလို့ပဲ။ ကျွန်မဟာ လွန်ခဲ့တဲ့ ဆယ်နှစ်ကျော်ကျော် လောက်က မြီးကောင်ပေါက် ဆယ်ကျော်သက်လေး မဟုတ်တော့ဘူးလေ။

“သွားကြစို့လေ။ နေပူတယ်။”

ငေးနေတဲ့ ကျွန်မရဲ့လက်ကို လာပြီးဆုပ်ကိုင်တဲ့ လက်တွေဟာ ခိုင်မြဲပြီး နွေးထွေးလှပါတယ်။ အဲဒီလက်ပိုင်ရှင်ဟာ ဆံပင်ရှည်တွေကို မပိုင်ဆိုင်ပါဘူး။ သူ့ဆံပင်တွေက ဖြောင့်စင်းပြီးတော့လည်း မနေပါဘူး။ ခပ်ကြမ်းကြမ်း ဆံပင်တွေကို ကတုံးဆံတောက် တိုတိုပဲ ညှပ်ထားလေ့ ရှိတယ်။ မိုးပြာရောင် ဂျင်းဘောင်းဘီကိုလည်း အမြဲ မ၀တ်တတ်ပါဘူး။ လည်ကတုံး ရှပ်အကျီ င်္ အဖြူနဲ့ ကချင်လုံချည် ကွက်စိပ်စိပ်ကို ၀တ်လေ့ရှိတယ်။ သူ့နာမည်ကို ကျွန်မသိတယ်။ သူ့ကိုလည်း ကျွန်မ ကောင်းကောင်းသိတယ်။ နေရောင်အောက်မှာ ကျွန်မ သူ့ကို ကောင်းကောင်း မြင်နေရတယ်။ နေ့ခင်းအိပ်မက်ကနိုးလာတဲ့ ကျွန်မ သူ့လက်တွေကို မြဲမြဲ ဆုပ်ကိုင်လိုက်တယ်။

Friday 18 March 2011

လူ့အလို

ခင်လေးဘ၀မှာ အားမရတာတွေ အများကြီးပဲဟု မကြာခဏ ငြီးငြူလျှင် မောင်ကတော့ အေးဆေးပေ့ါ ခင်လေးရယ်ဟု အပြုံး တ၀က်၊ အရယ်တ၀က်နှင့် ခင်လေးကို ထုံးစံအတိုင်း နှစ်သိမ့်ပေလိမ့်မည်။ အမေကတော့ ခင်လေး လောဘကြီးလွန်းတယ်ဟု ဆိုသည်။ မောင့်ကိုရော အမေ့ကိုပါ ခင်လေးချစ်ပေမယ့် သူတို့ ပြောသည်ကိုတော့ ခင်လေး လက်မခံနိုင်။ ခင်လေး ဖြစ်ချင်တာတွေ တ၀က်လောက်တောင် ဖြစ်မလာတာဟာ ခင်လေးရဲ့ ကံတရားပေလား၊ ခင်လေး ကြိုးစားမှု မလုံလောက်ပေလို့ပဲလား။

ငယ်ငယ်ကတည်းက မိဘတွေ တိုက်တွန်းစရာ မလိုပါဘဲနှင့် ခင်လေးက ရည်ရွယ်ချက် ကြီးခဲ့သည်။ အတန်းထဲ အဆင့်တစ်မှ တစ်ဆယ်ကြား ၀င်ခဲ့တာ များသော်လည်း ထိပ်ဆုံး ကျောင်းသူတော့ မဖြစ်ခဲ့။ အဖေနှင့် အမေတို့ကတော့ ခင်လေးရဲ့ ပညာရေးမှာ ပံ့ပိုးပေးခဲ့သော်လည်း ၀င်မပါခဲ့သည်သာ များပါသည်။ ခင်လေး အဆင့်ကောင်းကောင်းရလျှင် သူတို့က ပျော်သလို၊ အဆင့်ကျလျှင်လည်း ဒီတခါတော့ သူများတွေကို င့ါသမီးက အလှည့်ပေးလိုက်တယ်ဟေ့ ဟုဆိုကာ အပြုံးမပျက်ခဲ့။

ဆယ်တန်းအောင်တော့ ခင်လေးက ဆေးတက္ကသိုလ်မှ ဆေးတက္ကသိုလ်။ ဆယ်တန်းမှာ ဂုဏ်ထူးသုံးခု ပါပေမယ့် ဆေးတက္ကသိုလ် အမှတ်မမီမှာကို စိတ်ပူခဲ့ရသည်။ နောက်တော့ စိတ်ပူသည့် အတိုင်း ခင်လေးရဲ့ အမှတ်က ဆေးတက္ကသိုလ် မမီခဲ့။ အဲဒီတုန်းက ငိုလိုက်ရသည်မှာ နှစ်ရက်လောက် ထမင်းတောင် ကောင်းကောင်း မစားနိုင်။ ကံတရားကို မကျေနပ်ရမည်လား၊ ကိုယ့်ကိုယ်ကိုပဲ အပြစ်တင်ရမည်လား။ ဒေါသတွေနဲ့ မျက်ရည်တွေနဲ့ ပေါက်ကွဲချင်နေတဲ့ အချိန်မှာ အမေကတော့ ကံပေါ့ သမီးရယ်ဟု အေးအေးဆေးဆေးပင် ဖြောင်းဖျ နိုင်ခဲ့သည်။ အဖေကလည်း ငါ့သမီး ဆေးတက္ကသိုလ် မ၀င်တော့ စာတွေပိပြီး အရမ်း မပင်ပန်းတော့ဘူးပေ့ါကွယ်ဟု အကောင်းဖက်က လှည့်တွေးပေးခဲ့သည်။ အဖေနှင့် အမေက လောဘနည်းလွန်းသည်။ စိတ်ချမ်းသာဖို့က အဓိကပါဟု ဆိုသော အဖေနှင့် အမေ့ကို ကျေးဇူးတင်သော်လည်း ဆေးကျောင်းမ၀င်တာကို ပြန်တွေးတိုင်း ၀မ်းနည်းမိ၏။

ဒီလိုနှင့် ခင်လေး ဆေးဝါးဗေဒကိုပဲ ယူခဲ့သည်။ ကျောင်းပြီးတော့လည်း ဆေးကုမ္ပဏီတစ်ခုမှာ အလုပ်ဝင်သည်။ လစာကောင်းပြီး အိနြေ္ဒရရနှင့် အလုပ်ဖြစ်သောကြောင့် ခင်လေး ၀မ်းသာရသော်လည်း ခင်လေး ဖြစ်ချင်သော ဆရာဝန်မကြီးတော့ မဖြစ်နိုင်ခဲ့။ အဖေနှင့်အမေကတော့ ခင်လေး အလုပ်ကောင်းကောင်း တနေရာရတာကိုပင် ကျေနပ်နှစ်သိမ့်နေပေသည်။။ အပြိုင်အဆိုင်များတဲ့ ဒီခေတ်ကြီးထဲမှာ ငါ့သမီး အလုပ်တနေရာရတာ တော်လိုက်တာ၊ ကံကောင်းလိုက်တာဟု ၀မ်းသာဂုဏ်ယူနေတတ်ကြသည်။

အဲဒီ အလုပ်လုပ်ရင်းနဲ့ပဲ ငြိမ်သက်သော၊ အေးဆေးသော မောင်နှင့် ခင်လေး ဆုံခဲ့ရသည်။ မောင်က ခင်လေးထက် အသက်ကြီးလို့ပေလား၊ ကလေးဆန်ချင်ပြီး နွဲ့ဆိုးဆိုးတတ်သော ခင်လေးကို အလျော့ပေးတတ်သည်။ လေသံအေးအေးနှင့် ဆုံးမတတ်သည်။ ခင်လေးကတော့ ဘ၀ကို အလိုမကျမြဲ မကျလျက်။ အလိုမကျတိုင်းလည်း မောင့်ဆီမှာ တိုင်တန်းပြီး ငြီးငြူမြဲ။

“ခင်လေး ကံကိုကမကောင်းပါဘူး မောင်ရာ။ ဒီနှစ် အကောင်းဆုံး ၀န်ထမ်းဆု ရွေးတာ မရဘူး။ ဒီလောက် စေတနာထားပြီး လုပ်ပေးပါလျက်နဲ့။ ခုရသွားတဲ့ တစ်ယောက်က အလုပ်ရှင် သူငယ်ချင်းရဲ့ သမီး။ မတရားဘူးကွာ။”

“ဒါပေမယ့်…ခင်လေး ပြီးခဲ့တဲ့လက လစာတိုးတယ် မဟုတ်လား။ ခင်လေး အလုပ်ကြိုးစားတာကို အလုပ်ရှင်တွေက အသိအမှတ်ပြုသားပဲလေ။”

“ဒါပေမယ့် ခင်လေးက အဲဒီဆုကို ရချင်တာ။ မတူဘူးလေ။ ခင်လေးလုပ်တဲ့ အလုပ်တစ်ခုမှာ ခင်လေးက အကောင်းဆုံး ဖြစ်ချင်တယ်။”

“သြော်…ခင်လေးကလည်း သူများ သတ်မှတ်မှ အကောင်းဆုံး ဖြစ်တယ်ရယ်လို့မှ မဟုတ်ဘဲ။ ကိုယ်ကိုယ်တိုင်က အကောင်းဆုံး ဖြစ်အောင် ကြိုးစားရင် အကောင်းဆုံး ဖြစ်တာပဲ။”

“မောင်က အဲဒီလိုပဲ။ ခင်လေးဖက်က ဘယ်တော့မှ မလိုက်ဘူး။ တော်ပြီ…မပြောတော့ဘူး။”

“ဟောဗျာ… ကျွန်တော့်မျိုး ကိုတော့ ပြဿနာ မရှာပါနဲ့ မခင်လေးရယ်။ ကဲပါ… ခင်လေးကြိုက်တဲ့ ကြေးအိုး သွားစားကြရအောင်။ ဒီအကြောင်းတွေ မေ့လိုက်တော့။ မောင် လည်း ဗိုက်ဆာပြီ။”

နောက်ဆုံးမှာတော့ မောင်က ခင်လေးကို ဖြောင်းဖျမြဲ၊ ချော့မော့မြဲပင်။ မောင်နှင့် လက်ထပ်ပြီးသည့် နောက်ပိုင်းမှာတော့ ခင်လေးတို့ ဘ၀က အေးချမ်းပါသည်။ မောင်ရော ခင်လေးမှာပါ ၀င်ငွေအသင့်အတင့် ကောင်းသော အလုပ်ကိုယ်စီ ရှိသည်။ မောင့်မိဘတွေရော၊ ခင်လေး မိဘတွေကိုပါ စောင့်ရှောက်နိုင်သည်။ ဒါပေမယ့် ခင်လေးရဲ့ အလိုအရဆိုရင်တော့ ခင်လေး ဘ၀ကို ခင်လေး စိတ်ကြိုက်မရနိုင်သေး။ အောင်မြင်သင့်သလောက် မအောင်မြင်သေးဟု ထင်သည်။ အဖေပြောသလိုပင် ခင်လေးက ကျော်ကြားလွှမ်းမိုး ချင်သူပေလားတော့ မသိ။ ခင်လေးဖြစ်ချင်သည်က အများက မော့ကြည့်ရသော ဘ၀၊ အများက အားကျရသော ဘ၀။ တိတိပပ ပြောရရင်တော့ သူငယ်ချင်း ဇာခြည့်လို ဘ၀မျိုး။

ဒေါက်တာ ဇာခြည်မင်းအောင်ဟု အများကသိကြသော ဇာခြည်က အခုအချိန်မှာ အသက်ငယ်ငယ်နှင့် အောင်မြင်နေသော သားဖွားမီးယပ် အထူးကု။ ဇာခြည်ရဲ့ အရှိန်အ၀ါဟာ သူ့ဖေဖေ ဒေါက်တာ မင်းအောင်ရဲ့ အရောင်ကြောင့် ပိုတောက်ပလာတာ မှန်ပေမယ့် ဇာခြည်ကိုယ်တိုင်ကလည်း ထက်မြက်သူ။ ဇာခြည်ဟု ဆိုလိုက်လျှင် အမြင့်ဆုံး ပန်းတစ်ပွင့်ကို ပြေးမြင်ကြသည်။ အားလုံးက မော်ကြည့်ကြရသည်။ ဇာခြည့်လို ဘ၀မျိုးကို ခင်လေး ပိုင်ဆိုင်ချင်ပါသည်။ ရွေးချယ်ခွင့် ရှိလျှင်ပေါ့။

xxx

“ဒေါက်တာက အသက်ငယ်ငယ်လေးပဲ ရှိသေးတယ်နော်။ တော်လိုက်တာ။ ဘွဲ့တွေလည်း အများကြီးပဲ။ အိမ်က သမီးနှစ်ယောက်ကို ဒေါက်တာ့ အကြောင်း ခဏခဏ ပြောပြရတယ်။ အားကျရအောင်လို့။”

“ဆရာမ အကြောင်းကို ကြားဖူးပါတယ်။ လူတော့ အခုမှပဲ မြင်ဖူးတော့တယ်။ ဆရာမက နာမည်ကြီးပဲ။ လုပ်ဖော်ကိုင်ဖက်တွေ ကြားထဲမှာ သတင်းမွှေးပြီးသား။”

“ဇာခြည်က ဆေးကျောင်းတုန်းက ဆရာကြီးပဲ။ ဘာသာစုံ နီးပါး ဂုဏ်ထူးထွက်တာ။ တို့တွေတော့ ဇာခြည့်ကို လိုက်မမီပါဘူးကွာ။”

ဇာခြည့်ဘ၀မှာ ဒီလို ချီးကျူးသံတွေနှင့် နေသားကျပြီးသားဆိုလျှင် ကိုယ့်ကိုယ်ကို အထင်ကြီးလွန်းသည်ဟု ဆိုကြမည်လား။ ဇာခြည် ငယ်ငယ်ကပင် စာတော်သည်။ နာမည်ကြီးကျောင်းက ထိပ်ဆုံး အတန်းမှာ ထိပ်ဆုံးက ကျောင်းသူ ဖြစ်သည်။ ဆယ်တန်းမှာ တစ်နိုင်ငံလုံး ပထမ အဆင့်နှင့် ဆေးကျောင်းကို ခုံနံပတ်တစ် အနေဖြင့် ၀င်ခဲ့သည်။ ဆေးကျောင်းမှာလည်း ဇာခြည်က အစဉ်အလာကို ဆက်၍ ထိန်းထား နိုင်ခဲ့သည်။ ဖေဖေကလည်း နာမည်ကြီး အထူးကု ဆရာဝန်တစ်ယောက်မို့ ဇာခြည့်ကို ဆရာဆရာမများ၊ အတန်းဖော်များ အားလုံးက သတိထားမိကြသည်။ ဆေးကျောင်းပြီးတော့လည်း အထူးကုဘွဲ့လွန် သင်တန်းကို ဆက်တက်ခဲ့သည်။ ဇာခြည့် ပင်ကိုယ်ဗီဇကြောင့်ရော၊ ဖေဖေ့နာမည်ကြောင့်ပါ ဇာခြည် အသက်ငယ်ငယ်နှင့်ပင် အထူးကု ဆရာဝန် တစ်ယောက် ဖြစ်လာခဲ့သည်။

အများက ဘယ်လိုပင် အားကျပေမယ့် ဇာခြည့်ဘ၀ဟာ မပြည့်စုံဟု ထင်သည်။ ဖေဖေက ငယ်ငယ်ကတည်းက ဇာခြည့်ကို ဂရုမစိုက်နိုင်ခဲ့။ အမြဲတမ်း အလုပ်တွေများကာ မေမေနှင့် ဇာခြည်တို့ နှစ်ယောက်သာ တစ်ယောက်ကို တစ်ယောက် အဖော်လုပ် နေခဲ့ရသည်။ မေမေကတော့ ဇာခြည် ရှစ်တန်းလောက်မှာပင် အသည်းရောဂါနှင့် ဆုံးပါးသွားခဲ့သည်။ အဲဒီအချိန်ကတည်းကပင် ဇာခြည် လောကကြီးမှာ တစ်ယောက်တည်းဟု ခံစားရပါသည်။ ဖေဖေကတော့ အရင်ကထက်ပင် အလုပ်တွေ ပိုလုပ်နေသေးသည်ဟု ထင်ရ၏။ အဖော်မရှိသော ဇာခြည့်အတွက်လည်း ကျောင်းစာကို ဖတ်ရနေသည်ကပင် အာရုံတခုရှိနေသလို။ စိတ်သက်သာရာ ရသလို။ ဒီလိုနှင့် ဆေးကျောင်းမှာ ကိုနှင့် တွေ့တော့ ဇာခြည်အရူးအမူး ဖြစ်ခဲ့သည် ထင်၏။ ဒါပေမယ့် ဒီနေရာမှာလည်း ဇာခြည် ကံမကောင်းခဲ့ပါ။

ကိုက ဇာခြည်တို့ထက် တစ်တန်းပိုကြီးသည်။ ဇာခြည့်ကို အတန်းရှေ့မှာ လာစောင့်နေတတ်သည်။ အတန်းမရှိတဲ့ အချိန်တွေမှာ ကော်ဖီဆိုင်ထိုင်ကြသည်။ မုန့် အတူ လျှောက်စားကြသည်။ တခါတလေလည်း စာတွေ အကြောင်းပြောကြသည်။ ဒါပေမယ့် ကိုသည် ဇာခြည် ထင်သလောက် မရင့်ကျက်သောသူသာ ဖြစ်၏။ မိုးတွေရွာသော တစ်နေ့မှာ ဇာခြည့်ကို လမ်းခွဲဖို့ စကား ပြောခဲ့သည်။ အကြောင်းပြချက်ကိုတော့ ဇာခြည်မှတ်တောင် မမှတ်မိတော့။ ဒီနေ့ မိုးရွာလို့ဟူသော အကြောင်းပြချက်လောက်တောင် မခိုင်လုံတာကိုတော့ မှတ်မိနေခဲ့သည်။ နောက်ရက်တွေမှာ ကို့ကို အငယ်တန်းမှ ကောင်မလေးတစ်ယောက်နှင့် တွေ့တော့မှ အကြောင်းပြချက်ကို နားလည်သွားခဲ့သည်။ ရှိစေတော့။ ပေးချင်သော အချစ်တွေနှင့် အချစ်ခံလိုသော ဆန္ဒများကို ခေါက်သိမ်းပြီး ဇာခြည် စာအုပ်တွေထဲမှာသာ ပျော်နေလိုက်သည်။

အခုတော့ အသက်သုံးဆယ့်ငါးနှစ်အရွယ် အပျိုကြီး အထူးကု ဆရာဝန်မ တစ်ယောက်အဖြစ် နေသားကျနေခဲ့ပြီ။ ဆရာဝန်တစ်ယောက် ဘ၀ကို တန်ဖိုးထားပေမယ့် ကိုယ့်ဘ၀မှာ ကိုယ် ရာနှုန်းပြည့် မပျော်မိ။ အများက ဇာခြည့်ကို အားကျသော်လည်း ဇာခြည် အားကျသည်က သူငယ်ချင်း ခင်လေးလို ဘ၀မျိုး။

တစ်ခါတုန်းက ဆယ်တန်းဆုပေးပွဲကို ဇာခြည် သတိရနေမိသည်။ ဇာခြည်က တစ်နိုင်ငံလုံး ပထမ ရသော ကျောင်းသူ အနေဖြင့် ကျောင်းဆုပေးပွဲကို တက်ခဲ့သည်။ အားကျမှုတွေ၊ ချီးကျူးမှုတွေ၊ မြှောက်ပင့်သော စကားတွေ၊ အားပေးသော စကားတွေနှင့် ၀န်းရံလျက် ဇာခြည် စင်မြင့်ကို ဖြတ်လျှောက်ခဲ့သည်။ လက်ခုပ်သံတွေကြားထဲမှာ ဇာခြည်တော်တော်ပျော်လိမ့်မည်ဟု အားလုံးက ထင်နေကြပေလိမ့်မည်။ ဒါပေမယ့် ဇာခြည့်ဘေးမှာ အဖော်အဖြစ်ခေါ်လာရသော ဒေါ်လေး တစ်ယောက်ကလွဲလို့ ဖေဖေမရှိ။ ခွဲခန်းဝင်စရာရှိသည့် အတွက် ဆုပေးပွဲကို မလိုက်နိုင်။ မေမေကိုလည်း သတိရမိသည်။ အဲဒီအချိန်မှာ ဇာခြည်အားကျမိတာက ခင်လေးတို့ မိသားစုသာ ဖြစ်သည်။

ခင်လေးက သုံးဘာသာ ဂုဏ်ထူးရှင် အနေဖြင့် ဆုပေးပွဲကို လာခဲ့သည်။ သူ့ဘေးမှာတော့ ပြုံးနေသော သူ့ဖေဖေနှင့် ပျော်နေသော သူ့မေမေတို့ စကားတွေ ဖောင်နေကြသည်။ သူ့ညီမလေး ဖြစ်ဟန်တူသော ကလေးမလေး တစ်ယောက်က ခင်လေးလက်ထဲက ဆုဒိုင်းလေးကို ယူကြည့်ရင်း သဘောတွေကျနေသည်။ ပြီးတော့ သူတို့တွေ အားလုံး ကျောင်းနားက စားသောက်ဆိုင်မှာ နေ့လည်စာစားဖို့ ထိုင်နေကြတာကို ဇာခြည်တွေ့သည့် နောက်မှာတော့ မျက်ရည်တွေ လည်လာသည်။

ယခုတော့ ခင်လေးဘ၀မှာ သူ့ကို အလွန်ချစ်၍ သည်းခံသော ခင်ပွန်းရှိသည်။ အရာရာကို အကောင်းဖက်က မြင်တတ်၍ သားသမီးကို ဂရုစိုက်သော မိဘနှစ်ပါးရှိသည်။ သူတို့တတွေမှာ ပျော်ရွှင်ရယ်မောမှုများ ပိုင်ဆိုင်သည်။ အားပေးနှစ်သိမ့်မှုများ ကြွယ်ဝသည်။ အေးချမ်းသော မေတ္တာတို့ ပြည့်စုံသည်။ အဲဒီလိုဘ၀မျိုးကိုသာ ဇာခြည်လိုချင်သည်။ ဇာခြည့်ရဲ့ အောင်မြင်မှုတွေနှင့် လဲလှယ်လို့သာ ရမည်ဆိုလျှင် တစက္ကန့်မျှ ဆုံ့ဆိုင်းဖြစ်မည် မထင်။ လဲလှယ်ခွင့် ရှိလျှင်ပေါ့။

Friday 11 February 2011

ဝဲဆေးလိမ်းပြီးပါကြောင်း

ပုံရိပ်၏ ဘလောက်သည်လဲ ၀ဲစွဲခံရကြောင်းနှင့် လင့်ခ်များကို မဖြုတ်ချင်ဘဲ ဖြုတ်လိုက်ရကြောင်း၊ ယခုအခါ ၀ဲစွဲခြင်းကင်းရှင်းသွားပါကြောင်း....
(စာပြန်ရေးဖို့လဲ ကြိုးစားနေပါကြောင်း...မယုံလျှင် ပုံပြင်ဟုသာ မှတ်ပါတော့...)