Wednesday 26 November 2008

အိပ်မပျော်သောည

အိပ်မပျော်တော့ သီချင်းနားထောင်ရင်း စိတ်ကူးပေါက်ရာ လျှောက်ရေးပါသည်။

xxx

မီးခလုတ်ကို ပိတ်လိုက်မိပြီ ဖြစ်ပေမယ့် မအိပ်ချင်သေး။ တယောသံ ခပ်နွဲ့နွဲ့ပါသော သီချင်းတစ်ပုဒ်ကို ဖွင့်လိုက်မိသည်။ ခပ်တိုးတိုးပေမယ့် သူလိုက်ညည်းနေမိသည်။ အိပ်ယာနံဘေးက နိုးစက်နာရီကို တွေ့တော့ ကြည်နူးနေသော စိတ်ကလေး ပျောက်သွားရသည်။ မနက်ဖြန် အလုပ်သွားရဦးမည်။ နိုးစက်ပေး ထားမှ။ ဒါပေမယ့် သူမအိပ်ချင်သေးပါ။

စိတ်ရှုပ်ရှုပ်နှင့် စောင်ကို မေးစေ့အထိ တင်းတင်းဆွဲကာ ခြုံလိုက်၏။ အိပ်ယာထဲမှာ လှဲလိုက်တော့ သာနေသော လကို ပြတင်းပေါက်မှ တဆင့် မြင်ရ၏။ လရောင်၏ ဖြားယောင်းမှု ဟူသော စကားကို သူနည်းနည်း သဘောပေါက် သလိုရှိမိ၏။ ဖြာနေသော အလင်းရောင်သည် ငြိမ်သက်စွာ သူ့အခန်းထဲသို့ ကျနေသည်။ ဆိတ်ငြိမ်သောညနှင့် လသည် အလွန်လိုက်ဖက် လှပါလား ဟုသူတွေးမိပြန်၏။ ခပ်တိုးတိုး သီချင်းသံကြောင့် ပိုပြီးခံစား၍ ရသယောင်။ စိတ်ကူး၍ နေချင်သေး၏။ ဘာအကြောင်းတွေး ရမည်မသိသော်လည်း စိတ်ကူးနှင့် အတွေးနှင့် အေးအေးလေး နေချင်သေးသည်။ ညကို အိပ်ပစ်ရမည်မှာ နှမြောစရာဟု သူထင်လာသည်။ သူမအိပ်ချင်သေးပါ။

ငွေလမှာ ဆုံကြသော ချစ်သူနှစ်ဦး၏ အကြည့်အကြောင်း သူကြားဖူးသည်ကို မှတ်မှတ်ရရပင်။ လရောင်ကြောင့် ၀င်းနေသော စကားဝါပင်ကို သူလွမ်းရင်း ငိုချင်လာသည်။ လရောင်အောက်မှာ ပွင့်နေသော ပန်းတွေနှင့် ထုံအီသော ရနံ့ တစ်ခုကို သတိရလာ၏။ အထပ်ထပ် ကြားနေရသော်လည်း နှစ်မျောနေချင်သေးသော၊ မဆုံးစေချင်သေးသော တေးသွားကို ကျော့၍ ဖွင့်နေပြန်၏။ တယောသံအောက်မှာ ဒီအတိုင်း နေချင်သေးသည်။ မဆုံးစေချင်သော အခြေအနေ တရပ်ကို အထပ်ထပ် ဖန်တီးလို့ ရသရွေ့တော့ ဖန်တီးပေဦးမည်။ သူမအိပ်ချင်သေးပါ။

တခါတရံ ရပ်တန့်ထားလို့ မရသော အချိန်ကာလများ အကြောင်း တွေးမိသည်။ ဆွဲထား၍ မရသော အချိန်များ၊ သိမ်းထားချင်သော တဒင်္ဂများ၊ သီချင်း တစ်ပုဒ်လို မဆုံးစေချင်သော တခဏများ၊ ပြန်ကာပြန်ကာ ထပ်နေစေချင်သော ပြကွက်များ။ ဖန်တီးချင်စိတ်ကို နေသားတကျ ဖြစ်စေလိုသောစိတ်နှင့် မဖျက်ဆီး ပါနှင့်တော့။ ရှိပါစေတော့လေ။ မျောနေသော အတွေး အတိုင်းသာ ထားလိုက်ပါဟု သူ့ကိုယ်ကို ပြောနေမိသည်။ သူမအိပ်ချင်သေးပါ။

တရွေ့ရွေ့ လာနေသော တိမ်တတိုက်က လကို ဖုံးသွားသည်ကို ကြည့်ရင်း ၀မ်းနည်း မိ၏။ သာပြီးလျှင် ကွယ်ရမြဲ။ ကွယ်ပြီးလျှင် သာရမြဲ။ ကွယ်ပြီးပြီမို့ တိမ်ကင်းစင်မည့် အချိန်ကို သူစောင့်နေမိသည်။ အတက်အကျနှေးရာမှ မြန်လာသော တေးသွားတစ်ပိုဒ်ကို သူကြားလိုက်သည်။ သို့ပေမယ့် လက ပြန်မသာလာသေး။ လပြန်ထွက်သည့် အချိန်ကို စောင့်ချင်သေး၏။ သူမအိပ်ချင်သေးပါ။

ဘာကြောင့်ရယ် မသိ ၀မ်းနည်းလာသော စိတ်ကို ငြင်းပယ်ရန် ကြိုးစားဖို့ သူသီချင်းတစ်ပုဒ် ပြောင်းဖွင့် လိုက်သည်။ သို့ပေမယ့် အချိုးမညီ မလိုက်ဖက်သော သီချင်းသည် တာရှည် မခံ။ ဆွေးမြေ့သော တယောသံကို သူပြန်ကြားချင်ပြန်၏။ လူဆိုတာ ခက်သားလား။ လွမ်းနေရတာကိုပဲ အရသာခံ၍ ကြိုက်တတ်လေ သလား။ ထိုသို့ ဆိုလျှင်လည်း ထိုအလွမ်းကို တစိမ့်စိမ့် ခံစားဖို့ အတွက် သူမအိပ်ချင်သေးပါ။

တိုးသွားလိုက် ကျယ်လာလိုက်နှင့် တယောသံကို သူကြားနေရဆဲ။ သူ့မျက်ခွံများ လေးလံလာသည် ကို ငြင်းပယ်နေမိ၏။ မရပ်ပစ်လိုက်ပါနဲ့။ ခံစားနှစ်သက်ဆဲ အချိန်လေး တစ်ခုကို မဆုံးရှုံး ချင်သေးပါ။ လုပ်သင့်တာနှင့် စိတ်၏စေရာ တို့ကြား သူလွန်ဆွဲနေဆဲ။ သူတယောကို မြင်နေရသည်။ အို…. သူ့လက်ထဲကို တယောတစ်လက် ရောက်နေပါရောလား။ အံ့သြဖွယ်ရာပဲ။ သူ့လက်များက တေးသွားကို တီးခတ်နေကြသည်။ သူ….မအိပ်ချင်သေးပါ။

အိပ်စက်ခြင်း၏ နောက်တဖက်မှာ လင်းလက်သော နေရောင် တစ်ခု။ သူတာဝန်ယူ ထားသော ဘ၀တစ်ခု။

သူ တကယ် မအိပ်ချင်သေးပါ။

Sunday 16 November 2008

ပုံရိပ်နှင့်ဘလောက် ငရဲ

“ဟေ့ ပုံရိပ် ဆိုတာ ရှိလား။”

ကြောက်ကြောက်နဲ့ အမှောင် ထဲက ထွက်လာခဲ့သည်။ ကိုယ်ဘယ်ရောက် နေလဲဆိုတာလဲ သေချာ မသိ။ သိသလိုလိုတော့ ရှိသည်။ ဒါပေမယ့် မသိချင်တော့ မသိချင်ယောင်သာ ဆောင်လို့ နေမိသည်။ အခန်း တစ်ခုလုံးက ခပ်မှောင်မှောင်။ စားပွဲမှာ ထိုင်နေသူ အကြီးအကဲနှင့် သူ့တပည့်များ တ၀ိုက်တွင်သာ မီးထွန်း၍ ထားသည်။

“ဟေ့ ရှိရင် ထွက်ခဲ့လေ။”

လူတွေ ကြားထဲမှာ ယောင်လည်လည် လုပ်နေသောပုံရိပ်ကို မြင်ဟန် မတူသေး။

“ဘလောက် ရေးတယ်ဆို။”

“ဟုတ်..ဟုတ်ကဲ့။”

“အခု ဘလောက်ကို ပစ်ထားတယ် မဟုတ်လား။”

“ဟုတ်..ဟုတ်ကဲ့။”

“အခု မင်းဘယ်ရောက် နေလဲ သိလား။”

“ဟုတ်..ဟုတ်ကဲ့။ အဲ… မဟုတ်။ မသိပါဘူး။”

“အခု ငရဲ ရောက်နေတာဟေ့။ ဘလောက် ငရဲ။”

“ရှင်…..။”

ရှင် တစ်လုံးသာ တမိသည်။ ကိုယ့်ကိုယ်ကို ငရဲ ရောက်တယ်ဆိုတာ မယုံချင်သေး။ ကိုယ်က လူကောင်းလေး ပဲဥစ္စာဟု ပွစိပွစိနဲ့ တွေးနေမိသေးသည်။ ကိုယ့်အတွေးကို ယမမင်း… အဲ ယမမင်းလို့ ခေါ်လေမည်လား။ ဘလောက်ငရဲက ယမမင်းဆိုတော့ အင်း… ယမမင်း (ခေတ္တ ဘလောက်ငရဲ) အဲဒီလိုလား မသိနိုင်။ အဲ ဘာတွေတွေး နေပါလိမ့်…။ ထားပါတော့ အဲဒီ ဘလောက် ငရဲမင်းက သိသွားပုံ ရသည်။

“ဟေ့ ဒီကို ရောက်လာတာ မင်းဟာမင်း ကောင်းကောင်း၊ ဆိုးဆိုး၊ တို့ဂရုမစိုက်ဘူး။ မင်းဘလောက်ဂါ လုပ်ချင်တယ် ဆိုပြီး တာဝန် မကျေဘူး။ ဘလောက်ကို ရက်ပေါင်း များစွာ ပစ်ထားတယ်။ ကော်မန့်တွေကို မပြန်ဘူး။ ဆီဗုံး အဲလေ…. ဆီဘောက်စ်မှာလဲ ဘလောက် ရောင်းရင်းတွေရဲ့ စကားကို မပြန်ဘူး။ ယုတ်စွဆုံး နှစ်ရက်တိတိ ဘလောက်တွေတောင် လိုက်မဖတ်ဘူး။ အဲဒါကြောင့် အသိတရားရအောင် ဒီကို ခေါ်လာတာပဲ။”

အင်း အမှန်တရားတွေတော့ ပြောနေပြီ။ ဘာမှ လုပ်လို့ မရတော့ဘူး ဆိုတာ ကိုယ့်ဟာကိုယ် သိလိုက်သည်။

“ကဲ ကြာတယ် ကြာတယ်…။ နောက်က လူတွေ စောင့်နေတာ ရှိသေးတယ်။ မင်းအပြစ်ဒဏ်ကို ပြောမယ်။”

“ဟုတ်။”

“ဟိုမှာတွေ့လား ကွန်ပျူတာတွေ။”

အင်း အပြစ်ပေးမယ် ဆိုပြီး ဘယ်နှယ့် ကွန်ပျူတာတွေ ပြနေရပါလိမ့်။

“အေး အဲဒီ ကွန်ပျူတာသုံးပြီး တစ်နေ့ကို ဘလောက်ပို့စ် တစ်ခု ရေးရမယ်။ ပြီးရင် ဘလောက်ပေါ်မှာ တင်ရမယ်။ အင်း…. တင်ရမှာက အနှေးဆုံး ကော်နက်ရှင်နဲ့။ ဒီကြားထဲမှာ အနှောက်အယှက်တွေ ၀င်မယ်။ မီးက ပျက်မယ်။ ကော်နက်ရှင် ပြတ်မယ်။ အဲဒီ အခက်အခဲတွေကို ကျော်ပြီး တစ်နေ့ကို ပို့စ်တစ်ခု တင်ရမယ်။ ပြီးတော့ ဘလောက်ဆယ်ခုက ပို့စ်ဆယ်ခုကို ဖတ်ပြီး ငါ့ဆီကို နှစ်ရက်တစ်ခါ အကျဉ်းချုပ်တင်ရမယ်။ သူတို့ ဘာအကြောင်း ရေးထားလဲ။ ဘာကို ဆိုလိုချင်တာလဲ စသည်ဖြင့်ပေါ့။ အင်း…. အဲဒီကိစ္စတွေကို တစ်နေ့တည်း ပြီးအောင် မလုပ်နိုင်ရင်တော့…. ဟိုမှာ တွေ့လား ဒယ်အိုး။ ကဲဒါပဲ သွားတော့။”

ပြီးတော့ သူ့ဟာသူ ရေရွတ်သလို ကိုယ့်ကိုပဲ ဆုံးမချင်သလိုနဲ့ ဆက်ပြီး ပြောနေလေရဲ့။

“ဘယ်နှယ့်ဗျာ ဘလောက်ရေးဖို့ အခွင့်အရေး ကောင်းကောင်း ရှိနေရဲ့နဲ့၊ ကောင်းကောင်းမရေးဘူး။ တန်ဖိုးကို မထားတတ်ဘူး။ တန်ဖိုးနည်းနည်း သိအောင် ရေးကြည့်။”

သူပြောတဲ့ စကားကြားရင်း ငိုချင်လာသည်။ တန်ဖိုးကိုသိပါတယ်။ အလုပ်မအားလို့ပါ။ နိစ္စဓူဝ ဟိုကိစ္စ၊ ဒီကိစ္စ … ကိစ္စပေါင်းများစွာကို အကြောင်းပြမိရင်း ဘလောက်နဲ့ ဝေးကွာ သွားတာပါ။ ကွန်ပျူတာရှေ့မှာ ထိုင်ရင်း ချွေးပြန်လာသည်။ ကော်နက်ရှင် မပြောနဲ့။ စာရေးဖို့ ပြတင်းပေါက် (Window) ကို ဖွင့်တာ အခုထိ တက်မလာသေး။ ငါးမိနစ်လောက် ကြာသွားပြီ ထင်သည်။ ဘိုးတော် ဘုရားလက်ထက်က ကွန်ပျူတာတွေ ထင်တယ်။ ကျွန်မ မှားပါပြီဟု အော်ပြီး ငိုချင်လာသည်။ မှားပါပြီ… မှားပါပြီ….။ ပြတင်းပေါက်ရယ် ပွင့်ပါတော့….။ ပွင့်ပါတော့…။ ပွင့်ပါတော့…။

ပွင့်ပါတော့…။ ပွင့်ပါတော့….။ ဟင် ငါဘာတွေ အော်နေပါလိမ့်။ ကိုယ့်ရှေ့မှာ ကွန်ပျူတာလဲ မရှိ။ အိပ်မက်မက်နေတာဟု သိတော့မှပင် စိတ်အေးသွားသည်။ အင်း မနက်ကျရင်တော့ ပို့စ်တင် ဦးမှ။