Wednesday, 11 June 2008

အစားတစ်လုတ်

သူငယ်ငယ်က အစားအသောက်ကျွေး ရခက်လှသည်ဟု အမေက ငြီးငြူဖူးသည်။ ထမင်းစစားတတ် ကာစက ထမင်းကျွေးလျှင် လျှောက်၍ ပြေးသည်။ ပါးစပ်ထဲရောက် လာသော ထမင်းလုတ်ကို ထွေးပစ်တတ်သည်တဲ့။ သူမစားစားအောင် အမေက ကြံဖန်၍ ကျွေးရတတ်သည်တဲ့။ အသားအမျိုးမျိုးကို ကြော်၍တမျိုး၊ လှော်၍ တမျိုး မရိုးရအောင် လုပ်ကျွေးရှာသည်။ ထိုအချိန်က ဆန်ဈေးဆီဈေးမှာ အခုလောက် မတက်သေး။

သူဆယ်ကျော်သက် အရွယ်ရောက်တော့ အမေက တမျိုးပြောင်း၍ ငြီးသည်။ စားလွန်လွန်း၍ တဲ့။ ကိုယ်ခန္ဓာဖွံ့ဖြိုးဆဲမို့ စားနိုင်သောက်နိုင် လာတာကို အမေ မသိမဟုတ်။ နင်ဟာ မရှိအစားကြီးဟု တခါတလေတော့ အမေဆိုမိသည်။ တခါတလေတော့လည်း ငါ့သားဟာ ရှားပါးတဲ့ ကာလမှာမှ လာကြီးရလေခြင်းဟု အမေ ကရုဏာသက်သည်။ မည်သို့ဆိုစေ သူစားသလောက်ကိုတော့ အဖေရော အမေရောကပါ ဖြည့်ဆည်းပေးခဲ့သည်။

လူဆိုတာ အသက်ကြီးလာတာနှင့် အမျှ အစားတစ်လုတ် အပေါ် မက်မောစိတ် ကြီးထွားလာတတ်တာ ပေပဲ။ သူ့အသက်လည်း လေးဆယ်ကျော် ခဲ့ပြီ။ အစားတစ်လုတ် အတွက်တာဝန် များလည်း ပိုခဲ့ပြီ။ အသက်သည် အစားနှင့် တိုက်ရိုက် အချိုးကျသည် ဆိုလျှင် ငါ့ကျတော့ ဘယ်လိုလုပ်မလဲဟု အသက်ခုနစ်ဆယ် အရွယ်အမေက ပြန်အငေါ်တူး တတ်သည်။ ဒါကတော့ အမေက အမေကိုး၊ အမေလို မဟုတ်တဲ့ သူတွေကို အများကြီးဟု သူကပြန်ပြောမိသည်။

တနေ့နဲ့တနေ့ အစားတစ်လုတ် အတွက် လူတွေဟာ ဘယ်လောက် အလုပ်ရှုပ်ကြ သလဲဟု အမေက ထောက်ပြလျှင် သူကတော့ ရယ်နေတတ်သည်။ မစားလို့ အသက်ဘယ်ရှင် မလဲ အမေရယ်… အဲဒီတော့ အသက်ရှင်ဖို့ အတွက် အလုပ်ရှုပ် နေကြတာ မဆန်းပါဘူးဟု သူက ဆင်ခြေပြန်ပေးမည်။ အဲဒီလို ပြောလျှင်တော့ အမေမှာလည်း ပြန်လည် ချေပရန် စကားရှိသည်ပဲ။ ဟဲ့… နင်တို့ဟာက အသက်ရှင်ဖို့စား နေကြတာ မဟုတ်တော့ဘူး။ အဲဒီအဆင့်ထက် အများကြီး ကျော်နေပြီ။ စားဖို့ အသက်ရှင်နေ ကြတဲ့ င၀ါးတွေပဲဟု ချက်ကျလက်ကျ ပြန်ပြောလျှင်တော့ သူရယ်ကျဲကျဲ လုပ်မိရုံသာ။

ကံကြမ္မာဆိုတာ သူကြိုမမြင် ရတော့လည်း ခက်သားပင်။ ထိုနေ့က ၀င်လာသော မုန်တိုင်းကို သူကြိုသိခွင့် မရခဲ့။ မိသားစုကို လက်ဆွဲကာ လွတ်ရာကို ပြေးသင့်ပြီဟု အသိဝင်သည့် အချိန်မှာ အိမ်မှာရှိသော ပုဆိုးစုတ်တစ်ထည်တောင် ယူခွင့်မရတော့။ အသက်နှင့် ခန္ဓာမြဲရန် ဇောသာ ရှိနေခဲ့သည်။

အားလုံးပြီးဆုံး သွားသည့် အချိန်မှာ သူ့လက်ထဲမှာ ဘာဆိုဘာမှ မရှိတော့။ သားပျောက်၊ မယားပျောက် သည့်လူတွေကို ကြည့်ရင်းနှင့်သာ မသေမပျောက် အားလုံးရှိနေသည် ကိုပင် ကျေးဇူးတင် နေရတော့သည်။

မုန်တိုင်းသတ်၍ မသေခဲ့သော အသက်သည် အချိန်တန်တော့လည်း အစားတစ်လုတ်ကို တောင်းတလာ ပေသည်။ သူနဲ့အတူ ပါလာသော ပါးစပ်ပေါက် ငါးပေါက်ကိုလည်း ကျွေးဖို့ကြံ ရပေဦးမည်။ သူ့လက်ထဲ၌ ဘာဆိုဘာမျှ ပါမလာခဲ့။ တကယ့်ကို လက်ချည်းသက်သက်သာ။ အမေသည် သစ်ပင်တစ်ပင်အောက်မှာ မှိန်းနေလျက်။ ကလေးတို့သည် နွမ်းနယ်စွာ ထိုင်နေလျက်။ မိန်းမသည်လည်း မျက်နှာမကောင်း။ တခါတရံတော့လည်း အသက်ရှင်ရခြင်းသည် ပို၍ ခက်ခဲလေသလားဟု သူတွေးမိသည်။

Xxx

ဒီနေ့အလှူရှင်များက စားစရာဝေနေသည်ဟု အတူနေ ဒုက္ခသည် တစ်ယောက်က သတင်းပေး လာသည်။ ရေနဲ့မုန့်တွေ ဝေနေသတဲ့။ သူဝမ်းသာ အားရနှင့် အလှူပေးသော နေရာသို့ အပြေးလာခဲ့သည်။

သူ့ရှေ့မှာ မြင်နေရသော လူအုပ်ကြီးကို တိုးပေါက်နိုင်ပါ့ မလားဟု တွေးရင်း အတင်းသာ ရှေ့သို့တိုးခဲ့သည်။ ကမ်းနေသော၊ လှမ်းနေသောလက်တွေထက် ယူနေသော လက်တွေက များစွာ… များစွာ။ သူ့လက်တစ်ဖက် ပိုလာသောကြောင့် သူအခြားလက်တစ်ဖက်ကို ပုတ်ချလိုက် သလိုခံစား ရသည်။ အို… ဘာပဲဖြစ်ဖြစ် သူ့မိသားစုအတွက် သူမှ မလုပ်ရင် ဘယ်သူကများ လာလုပ်ပေး မှာလဲ။

မလျှော့တမ်း တိုးဝှေ့နေကြသော လူအုပ်ကြီးထဲမှ တိုးထွက်လာတော့ သူ့လက်ထဲမှာ စားစရာတချို့နှင့် ရေဘူးသုံးဘူး ပါလာသည်။ သူ့မိသားစု ရှိနေသော သစ်ရိပ်အောက်ရောက်တော့ လူအုပ်ကြီးက တိုးနေဆဲ။ သူ့လက်ထဲမှ စားစရာကိုမြင်တော့ ကလေးတို့က ၀မ်းသာအားရ ပြေးလာကြသည်။ ကလေးတို့သည် မုန့်ကို အလုအယက် စားသောက်ရင်း ရွှင်လန်းလာကြသည်။ သြော်… သူ့ကလေးများသည် ရှားပါးသည့်ခေတ်တွင် မက၊ လုစားရသည့် ခေတ်တွင်မှ လူလာဖြစ်ရလေခြင်း။

သူသစ်ပင် အရိပ်အောက်မှာ ထိုင်ရင်း မိန်းမက ကမ်းပေးလာသော ခေါက်ဆွဲခြောက်ထုပ် တ၀က်ကို ၀ါးနေမိသည်။ အသက်ဆက်ဖို့ အစားတစ်လုတ် အတွက် တိုးဝှေ့နေကြသော လူအုပ်ကြီးကို ကြည့်ရင်း သူမနက်ဖြန်ကို ကြောက်လာသည်။ မနက်ဖြန် အတွက် အစားတစ်လုတ်ကို ဖန်တီး ရဦးမည်။ အစားတစ်လုတ်နှင့် အသက်ရှင် ရဦးမည်။ အစားတစ်လုတ် အတွက် အသက်ရှင် ရဦးမည်။ အစားတစ်လုတ် အပေါ်တွင် အသက်ရှင် ရဦးမည်။ အစားတစ်လုတ်ကြောင့်….. အသက်သေ ရဦးမည်။ အစားတစ်လုတ်ကို မက်၍ အသက်ပေါင်းများစွာ သေရဦးမည်။ အစားတစ်လုတ်ကို မက်သူတွေကြောင့် အသက်ပေါင်းများစွာ…. ဘ၀ပေါင်းများစွာ….။ အစားတစ်လုတ်….. အစားတစ်လုတ်…..

2 comments:

pandora said...

အခြေခံလိုအပ်ချက်ဖြစ်တဲ့ ထမင်းတလုပ်စီကို
လိုအင်ဆန္ဒဇောနောက်က ငတ်မပြေနိုင်တဲ့ ထမင်းလုပ်ပေါင်းများစွာက ပုတ်ချလိုက်တဲ့အခါ

layma said...

ဆီကို ရေချိုး .. ဆေးရိုးမီးလှုံ ..စပါးတောင်လိုပုံ ဆိုတဲ့ စကား ပြတိုက်ထဲ ရောက်နေပြီလား...။
ပုံရိပ်ရဲ့ ရှားပါး လက်ရာတွေက မိုက်တယ်..။