Friday, 26 September 2008

ပထမဆုံးများ

ပထမဆုံးဆိုတာ မတွေ့ဖူးသေးတဲ့ အတွေ့အကြုံတစ်ခုကို စမိတဲ့ အချိန်ပါပဲ။ တွေးကြည့်မယ် ဆိုရင် ပထမဆုံးတွေက များသောအားဖြင့် ကလေးဘ၀မှာ များတာပေါ့။ ကျွန်မ ငယ်ငယ်ကတည်းက ပုံပြောဝါသနာ ပါတယ်။ အဲဒီတော့ ပထမဆုံးတက်ရတဲ့ မူကြိုကျောင်းလေးမှာ ပထမဆုံး ခင်ခဲ့တဲ့ သူငယ်ချင်းမလေးကို ပထမဆုံး အကြိမ်လိမ်တော့ တာပဲ။ ပုံပြင်လုပ်ပြီး၊ ဇာတ်လမ်းဆင်ပြီး သူ့ကို ပုံပြောပြတာလေ။ သူကတော့ ပါးစပ်လေး အဟောင်းသားနဲ့ အကောင်းမှတ်ပြီး နားထောင် တာပေါ့။

ဒီလိုနဲ့ အဲဒီကျောင်းလေးမှာပဲ ကျွန်မ ပုံပြောပြိုင်ပွဲမှာ ပထမဦးဆုံးဆု ရခဲ့ဖူးပါတယ်။ ရတာကလည်း ပထမဆုပါပဲ။ သြော် အဲဒီကျောင်းလေးမှာပဲ ပထမဆုံး သူငယ်ချင်း ကောင်လေးနဲ့ ခင်ခဲ့ပါတယ်။ သူ့နာမည်တော့ မမှတ်မိတော့ပေမယ့် ကတုံးလေး ဆိုတာကိုတော့ မှတ်မိနေပါတယ်။ အဲဒီကျောင်းက ပထမဆုံး ဆရာမလေးကလည်း ချစ်ဖို့ကောင်းတာပဲ။ နာမည်တော့ မမှတ်မိတော့ ပါဘူး။ ရုပ်ကိုတော့ မှတ်မိနေတယ်။ ဒီပထမဆုံးတွေက ကျွန်မရွေးချယ်ခဲ့တာ မဟုတ်ပေမယ့် သူတို့နဲ့ ပတ်သက်ရင် မှတ်မိနေတာဟာ ကြည်နူးစရာ မို့လို့ထင်ပါရဲ့။

အချို့ ပထမဆုံးတွေကိုတော့ ရွေးချယ်ခွင့် မရှိပေမယ့် အချို့ ပထမဆုံးတွေကတော့ ရွေးချယ်လို့ ရနေတယ် မဟုတ်လား။ ဒါကြောင့် ကျွန်မရဲ့ ပထမဆုံး ဖတ်ဖူးတဲ့ စာပေထဲမှာ ရွှေသွေးနဲ့ တေဇက ထိပ်ဆုံးကပဲ။ နောက်တော့ ရွှေဥဒေါင်းရေးတဲ့ ဦးစံရှားဝတ္ထုတွေကို သဲကြီးမဲကြီး ဖတ်တယ်။ စာအုပ်က လေးတော့ ကြမ်းပြင်ပေါ် ချပြီး ၀မ်းလျားမှောက် ဖတ်တာ မထတမ်းပဲ။

စာဖတ်ရာကနေ စာလေးတွေ ရေးဖြစ်တယ်။ အပိုင်းပိုင်း အစစနဲ့ မမှတ်မိတော့တာ များပါတယ်။ စိတ်ကူးထဲမှာ ရေးဖြစ်တာလည်း များတယ်။ အဖတ်တင်ကျန်ခဲ့ တာကတော့ ကျောင်းမှာ ရေးရတဲ့ စာစီစာကုံးလေးတွေပဲ။ ကျွန်မက ဟုတ်ဟုတ် မဟုတ်ဟုတ် စာစီစာကုံးကို အပတ်တကုတ် ရေးပါတယ်။ ခုတော့ ဘလောက်ဂ်လေး ရှိလာမှပဲ စာတွေ ခြေရာထင် ကျန်ပါတော့တယ်။ ကျွန်မရဲ့ ပထမဆုံး အဖတ်တင် ကျန်ခဲ့တဲ့ ၀တ္ထုကို ပြပါဆို မိုးရွာချိန် ဆိုတဲ့ ၀တ္ထုတိုလေးကို ပြရမှာပဲ။ ပထမဆုံး ကျန်ခဲ့တဲ့ ကဗျာလေးကလည်း ဘလောက်ဂ်ပေါ်က ပတ်ချာလည် ဆိုတဲ့ ကဗျာလေးပေါ့။ လာလည်တဲ့ သူတွေထဲမှာ မဂျစ် (ဂျစ်တူး) နဲ့ မပန် (ပန်ဒိုရာ) က ပထမဆုံး ထင်တယ်။ (မှားရင် ချိတ်မချိုး ပါနဲ့ကွယ်။)

အချို့ ပထမဆုံးတွေကို ကိုယ်ကိုတိုင် ကြိုက်ချင်လည်း ကြိုက်မယ်၊ ကြိုက်ချင်မှလည်း ကြိုက်မယ်။ အဲ…. ပထမဆုံး အကြိမ် အရိုက်ခံရတာကိုတော့ ဘယ်သူက ကြိုက်မှာလဲလေ။ ပထမဆုံး အရိုက်ခံရတာ ငယ်ငယ်က ကလေးချင်း ရန်ဖြစ်လို့ပေါ့။ ဘာကြောင့်မှန်း မမှတ်မိတော့ပေမယ့် အမေက ကောင်းကောင်းဆော်လိုက်တာ နောက်ရန်မဖြစ်ရဲတော့ ပါဘူး။ နောက်ပြီးတော့ ပထမဆုံး ၀င်ငွေရှာဖူးတဲ့ အလုပ်ကိုလည်း မကြိုက်ဘူး။ အမေတို့ အဖေတို့ကို ဆံပင်ဖြူနုတ်ပေးရတာလေ။ တစ်ချောင်းကို ငါးပြားလား မသိဘူး ရတယ်။ ဒါပေမယ့် ဆံပင်ဖြူနုတ်ရတာ လက်ဝင်လွန်းလို့ မကြိုက်ဘူး။ အဲ…. အပိုကြေးလေးကိုတော့ ကြိုက်တယ်။ အမေတို့က ဆယ်ချောင်းဆိုလည်း တစ်ကျပ်ပြည့်အောင် ဖြည့်ပြီး ပေးလိုက်တာပဲ။ (အဲဒီလို အပိုကြေးမျိုး အလုပ်မှာ အမြဲရရင် ဘယ်လောက် ကောင်းမလဲ နော်။)

အချို့ ပထမဆုံးတွေ ကတော့ နောင်ထပ်ဖြစ်လာ စရာ အကြောင်း မရှိလို့ ပထမဆုံးလို့ပဲ ခေါ်ရမှာလား၊ ပထမဆုံးနဲ့ နောက်ဆုံးလို့ ပြောရမှာလား တွေးစရာပါ။ ကျွန်မမှာ အဲဒီလိုမျိုး ပထမဆုံး ရှားရှားပါးပါး တခုပဲ ရှိတယ်။ (ပြောတော့ ပါဘူး။)

ဒီလိုနဲ့ အသက်တွေကြီးလာတော့ ပထမဆုံးတွေ ရှိပြီးသား များလာသလို ပထမဆုံးတွေနဲ့ မကြုံရတော့ သလောက် ဖြစ်လာတယ်။ နိစ္စဓူဝ ဒါတွေက ဒါတွေချည်းပဲ။ ပထမဆုံးတွေကို မှတ်မိသလို နောက်ဆုံးတွေကိုရော သိနိုင်မလား ဆိုတာကိုလည်း မရေမရာ တွေးမိတယ်။

မပန်ရေ ရေးလိုက်ပြီနော်။

10 comments:

pandora said...

ပုံရိပ်ရဲ့ ပထမဆုံးလေးတွေ ပို့စ်မှာ ပထမဆုံးမှတ်ချက် လာရေးတယ်

ဂျစ်တူး - gyit_tu said...

ငယ်ငယ်က ပုံပြောကောင်းတဲ့ ပုံရိပ်လေး ခုလည်း ပုံပြောကောင်းတုန်းး)

PTi said...

နာမည်ကိုက ပုံရိပ်ဆိုတော့ ပုံပြောကောင်းပြီပေါ့… ဟားဟား ဘာမှလည်း မဆိုင်ဘူးနော်…
ဆက်ပြီးတော့ ပုံပြောပြပါ… ဖတ်လို့ကောင်းလို့ပါနော်…

တေးမွန် (ah nai) said...

ပုံပြောကောင်းတဲ့ ပုံရိတ်.. အခုထိ လိမ်တုန်း..
လူမိုက်တွေဆိုတော့ ဆက်လိမ်ဖို့  အားပေးပါတယ်.. ပန်ဒိုယာတို့  ဂျစ်တူးတို့ ကော.. :D

ဒါနဲ့  ဟို ရှားရှားပါးပါး ပထမဆုံးနဲ့  နောက်ဆုံး ဆိုတာကိုလည်း ပုံပြောပြီး ညာထားတာထင်တယ်.. ဟိ..

နတ်ဆိုး

တန်ခူး said...

ပုံရိပ်ပုံပြောကောင်းတာ ဟုတ်မှာနော်… ခုကြည့် ဒီပထမဆုံးလေးတောင် ပုံပြင်လေးတပုဒ်ဖတ်ရသလို စိတ်ဝင်စားအောင် ရေးတတ်တယ်…

ပုံရိပ် / Pon Yate said...

မပန် ပထမဆုံး မှတ်ချက်လာရေးတဲ့ အတွက် ပထမဆုံး ကျေးဇူး။
မဂျစ်၊ ကိုပီတိနဲ့ မတန်ခူးရေ ပုံပြောကောင်းတိုင်း မကောင်းဘူးနော့် :D။ လာအားပေးတာ ကျေးဇူး။
ကိုနတ်ဆိုး ဘယ်လိုလုပ် သိသွားပါလိမ့် ဟား ဟား။

thorn musem said...

ပုံရိပ်
...ပုံရိပ်က ပုံပြောကောင်းလို့ ဆုရဘူးတော့ ချီးကျူးပါတယ်ကွာ....
ငယ်တုန်းက စင်ပေါ်မှာ စကားကို တက်မပြောရဲတာ..။
ပုံရိပ် တော်တယ်....
တခုဘဲ မေတ္တာရပ်ခံချင်ပါတယ်...
ကျေးဇူးပြုပြီး
မြန်မာ့အသံမှာတော့ မလုပ်ပါနဲ့ ကွာ...ဟဲဟဲ.။
ယုံတတ်တဲ့ ကြားက ထပ်ယုံမိမှာစိုးလို့ ပါ။

ပုံရိပ် / Pon Yate said...

ကိုသစ်နက်ဆူး လုပ်ရဲပါဘူး ဟီး ဟီး...

Layma said...

မပုံရိပ်က ငယ်ကတည်းက ဇ နဲ့ ကိုး...။ ဒါကြောင့် ပုံရိပ်ပြောတဲ့ ပုံပြင်တွေကို စွဲနေတာ..။

ပုံရိပ် / Pon Yate said...

ဟဲဟဲ မလေးမ...ငယ်ငယ်က သူငယ်ချင်းလေးကတော့ စွဲလာမသိဘူး။